سینیر ایڈوائزر اوورسیز فورم دیوان غلام مصطفی اور شاہد رضا رانجھا کی جانب سے بینک ڈکیتی میں شہید ہونے والے گارڈ غلام رسول کی بیوہ اور بچوں کے لیے ایک لاکھ روپے کا اعلان
منڈی بہاوالدین (ایم.بی.ڈین نیوز 22 دسمبر 2020) اوورسیز فورم کے سینیر ایڈوائزر دیوان غلام مصطفے کو منڈی بہاؤالدین میں ڈکیتی کی واردات میں شہید ہونے والے گارڈ غلام رسول کے اہل خانہ کی طرف توجہ دلوائی گئی اور اوورسیز فورم کے پلیٹ فارم سے ایسے خاندانوں کی امداد بھی فورم کے مشن میں شامل کرنے کو کہا جس کی ابتدا دیوان مصطفے نے اپنے آپ سے پیش کی ہے ۔اوورسیز فورم شہید ہونے والے گارڈ کی فیملی کے غم میں برابر کی شریک ہے۔
نیشنل بنک منڈی بہاوالدین میں چوری کی واردات، چور 1 کروڑ روپے چھین کر فرار، واقع کی ویڈیو دیکھیں
ڈکیتی کی اکثر وارداتوں میں محنت کش اور غریب ہی جان کی بازی ہارتے ہیں ۔نیشنل بینک میں ہونے والی ا س ڈکیتی میں بھی پھالیہ کے محنت کش نے فرض شناسی کی وہ قربانی دی۔جس کی مثال کم ہی ملتی ہے ۔اللہ غلام رسول شہید کو جنت اور لواحقین کو صبر دے۔مجھے امید ہے پولیس اور سراغ رساں ادارے اس واردات کے کرداروں کو جلد از جلد گرفتار کر کے کیفر کردار تک پہنچائیں گے ۔
ہمارے لیگل ایڈوائزر ابو سفیان تارڑ چند دن کے اندر اوورسیز فورم کی جانب سے ایک لاکھ کا امدادی چیک مرحوم کی بیوہ تک ضرور پہنچائیں گے ۔ایسی وارداتوں میں شہید ہونے والے کی فیملی جس بے بسی سے دوچار ہوتی ہے ۔یہ تو وہ ہی جانتے ہیں مگر ایسے موقعہ پر معاشرے کے با وسائل لوگوں کو خاموش نہیں رہنا چاہیے بلکہ ایسی فیملی کی سپورٹ ضروری ہے۔میں چاہوں گا کہ کچھ اور دوست بھی شہید ہونے والے گارڈ کی فیملی کو سپورٹ کریں ۔
