khad price in pakistan

اسسٹنٹ کمشنر نے گودام میں چھپائی گئی کھاد کی 400 بوریاں قبضے میں لے کر کسانوں میں فروخت کر دی

اسسٹنٹ کمشنر پھالیہ نے نجی گودام پر چھاپہ مار 400بوری یوریا کھاد قبضے میں لے کر سرکاری نرخوں پر کسانوں کو فروخت کر دی

منڈی بہائوالدین (‌ایم.بی.ڈین نیوز 2 جون 2022) ڈپٹی کمشنر منڈی بہاوالدین عثمان خالد خان کی ہدایت پر اسسٹنٹ کمشنر پھالیہ محمد عرفان ہنجرا ان ایکشن گوداموں میں چھپائی گئی غیر قانونی اور ذخیرہ اندوزکی گئی کھاد کے خلاف کریک ڈاؤن جاری ہے.

یہ بھی پڑھیں: اسسٹنٹ کمشنر کی کاروائی، یوریا کھاد کے ذخیرہ کئے گئے 850 تھیلے پکڑ لئے

تفصیلات کے مطابق اسسٹنٹ کمشنر پھالیہ محمد عرفان ہنجرا نے پھالیہ کے علاقے نواں لوک میں ایک کھاد کے نجی گودام پر چھاپہ مارکر چھپائی گئی یوریا کھاد کی 400بوری قبضے میں لے کر سرکاری نرخوں پر ملکیت کے حساب سے کسانوں کو سیل کر دی

اس موقع پر اسسٹنٹ کمشنر پھالیہ محمد عرفان ہنجرا کا کہنا تھا کہ غیر قانونی گودام مالکان کے ساتھ آہنی ہاتھوں سے نمٹا جائے گا اور اس سلسلے میں کسی قسم کی کوتاہی ہرگز برداشت نہیں کی جائے گی تمام ڈیلرزکھادں کی فروخت سرکاری نرخوں پر کریں اور اس کا مکمل ریکارڈ رکھیں

اپنا تبصرہ بھیجیں