منڈی بہاءالدین میں مون سون ہوائیں داخل، آج سے بارشوں کا امکان

منڈی بہاءالدین، لاہور،اسلام آباد:منڈی بہاءالدین میں مون سون ہوائیں داخل، آج سے بارشوں کا امکان. ملک کے بالائی علاقوں میں آج شام سے مون سون ہوائیں داخل ہوں گی جو25 ستمبر تک ملک کے دیگر حصوں میں بھی بارش کا باعث بنیں گی، ملک کے بیشترمیدانی علاقوں میں آج موسم گرم اور خشک رہے گا۔

تاہم اسلام آباد ، بالائی پنجاب، بالائی خیبر پختونخوا، کشمیر، گلگت بلتستان اوربالائی، جنوب مشرقی سندھ میں چند مقامات پرگرج چمک اور تیز ہواؤں کے ساتھ بارش کا امکان ہے ۔ محکمہ موسمیات کے مطا بق آج رات سے 24 ستمبر تک کشمیر ، اسلام آباد ، راولپنڈی ، اٹک ، چکوال ، جہلم ، گجرات ، منڈی بہاؤالدین ،سیالکوٹ میں بارش کا امکان ہے.

یہ بھی پڑھیں: بارش کے بعد منڈی بہاوالدین کی سڑکوں کے کیا حالات ہوتے ہیں؟ ویڈیو دیکھیں

اسکے علاوہ نارووال ، گوجرانوالہ ، حافظ آباد ، لاہور ، اوکاڑہ، فیصل آباد ، سر گودھا، میا نوالی، جھنگ، ٹوبہ ٹیک سنگھ ، کوہستان، شانگلہ، مانسہرہ، ایبٹ آباد، ہری پور، مردان، چارسدہ، نوشہرہ، دیر، چترال، پشاور،کوہاٹ ،وزیرستان، گلگت بلتستان میں وقفے وقفے سے تیز ہواؤں اور گرج چمک کے ساتھ بارش کا امکان ہے.