منڈی بہائوالدین: پنجاب فوڈ اتھارٹی کی فوڈ سیفٹی ٹیموں کا ملاوٹ مافیا کے خلاف کریک ڈاؤن جاری، عوام کو مضر صحت دودھ پینے سے بچا لیا گیا ایک ہزار لیٹر کیمیکل زدہ غیر معیاری دودھ تلف کر دیا
منڈی بہاوالدین (نامہ نگار 15 اگست 2022) تفصیلات کے مطابق فوڈ سیفٹی ٹیموں کی دودھ فروخت کرنے والے کلیکشن سنٹرز اور شاپس کے خلاف کاروائیاں جاری ہیں کاروائی ایڈیشنل ڈائریکٹر آپریشنز عدیل اسلم اور ڈپٹی ڈائریکٹر آپریشنز محمد ناصر کی زیر نگرانی کی گئی۔ اس موقع پر کئے گئے دودھ کے نمونوں کا نتیجہ پنجاب فوڈ اتھارٹی کے مقرر کردہ معیار کے مطابق نہ آنے کی بنا پر سخت قانونی کارروائی عمل میں لائی گئی.
ڈی جی فوڈ اتھارٹی کا کہنا تھا کہ فوڈ سیفٹی ٹیموں نے 1،000 لٹر غیر معیاری اور مضر صحت دودھ کو موقع پر تلف کیا۔ ڈی جی فوڈ اتھارٹی شعیب جدون کے مطابق صوبہ بھر میں مضر صحت اشیاء فروخت کرنے والوں کو کسی صورت بھی برداشت نہیں کیا جائے گا۔ ڈی جی فوڈ اتھارٹی شعیب جدون کا کہنا تھا کہ عوام کی صحت سے کھیلنے والے کسی صورت عوام دوات نہیں ہوسکتے.
انہوں نے شہریوں سے کہا کہ وہ سیل ہونے والے کلیکشن سنٹرز اور شاپس کا بائیکاٹ کریں تاکہ ان عناصر کو اپنے گھناونے اقدام کا احساس دلوایا جا سکے۔
