Tag: Allied school pahrianwali

  • نجی سکول کی طالبہ نے انگلش تقریر میں ملک بھر میں دوسری پوزیشن حاصل کر لی

    نجی سکول کی طالبہ نے انگلش تقریر میں ملک بھر میں دوسری پوزیشن حاصل کر لی

    الائیڈ سکول پاہڑیانوالی کی ملکی سطح پرمنعقدہ ادبی مقابلہ جات میں انگلش تقاریر میں دوسری پوزیشن. چناب کیمپس پاہڑیانوالی کا بچوں کی صلاحیتوں کو اجاگر کرنے میں کلیدی کردار ہے۔ پروفیسر اظہر اقبال

    پاہڑیانوالی (احسان نازش سے) پاکستان لیول پرمنعقدہ ادبی مقابلہ جات میں انگلش تقاریر میں الائیڈ سکول چناب کیمپس پاہڑیانوالی کی ہونہار طالبہ عشمل حسن نے دوسری پوزیشن حاصل کرلی۔ اس سے قبل ضلع لیول،کلسٹر لیول اور ریجنل لیول پر بھی الائیڈ سکول کے طلباء و طالبات نے تمام مقابلوں میں نمایاں پوزیشنز حاصل کیں۔

    یہ بھی پڑھیں: الائیڈ سکول پاہڑیانوالی نے منڈی بہاؤ الدین کے بعد ریجنل لیول پر بھی میدان مار لیا

    اس موقع پر پروفیسر اظہر اقبال نے اپنے ایک بیان میں بتایا کے الائیڈ سکول اڈا پاہڑیانوالی بچوں کی نصابی اور ہم نصابی صلاحیتوں کو اجاگر کرنے کے لئے کلیدی کردار ادا کر رہا ہے اور بچوں کو ملکی اور غیر ملکی ہر سطح پر اپنی صلاحیتوں کو اجاگر کرنے لیئے پلیٹ فارم اور مواقع فراہم کر رہا ہے۔ سکو ل ہذ ا کے بچوں نے تمام مقابلوں میں نمایاں پوزیشنز حاصل کر کے یہ ثابت کر دیا ہے کہ الائیڈ سکول اڈا پاہڑیانوالی کے بچے ہر محاذ پر سب سے آگے ہیں اور تمام صوبوں کے بچوں سے جیت کر ملکی سطح پر اپنے علاقہ کا نام روشن کر رہے ہیں ۔

    قبل ازیں ادارہ ہذا کے طلباء و طالبات پاکستان لیول پر تعلیم کے میدان میں 2گولڈ میڈلز اور ادبی میدان میں 1گولڈ میڈل حاصل کر چکے ہیں اس موقع پر بورڈ آف ڈائریکٹرزپروفیسر سید رخسار حسین، مسزڈاکٹراکمل حسین اور سید عادل عباس کے علاوہ اہل علاقہ کی کثیرتعداد نے پروفیسر اظہر اقبال کو ادارہ کی اس شاندار کاوش اورکامیابی پر مبارک باد پیش کی۔

    سکول ڈائریکٹر نے سکول انتظامیہ بالخصوص ٹیچر نرگس بانو اور سیدہ ہاجرہ کوبچوں کو شاندار تیاری کروانے پر خصوصی طور پر خراج تحسین پیش کرتے ہوئے ان کی صلاحیتوں کے اعتراف میں اعزازی سرٹیفکیٹس اور نقد انعامات کا اعلان کیا اور مبارک باد پیش کی اس کے علاوہ تمام اساتذہ کی بھی تعریف کی۔ بوائز کیمپس کے پرنسپل غلام رسول صاحب نے بھی تمام اساتذہ اور بچوں کومبارک باد دیتے ہوئے کہا کہ اس کامیابی کا سہر اسکول کے اساتذہ کے سر ہے جو دن رات بچوں کے روشن مستقبل کے لئے کوشاں ہیں۔

  • پاہڑیانوالی: سکول وین کو حادثہ، متعدد طلبا کے زخمی ہونے کی اطلاعات

    پاہڑیانوالی: سکول وین کو حادثہ، متعدد طلبا کے زخمی ہونے کی اطلاعات

    منڈی بہاؤالدین: نجی سکول اڈا پاہڑیانوالی کی وین کو حادثہ. متعدد سٹوڈنٹس کے زخمی ہونے کی اطلاعات، گاڑی مکمل طور پر تباہ.

    منڈی بہاءالدین( ایم.بی.ڈین نیوز 4 نومبر 2022) تفصیلات کے مطابق جوکالیاں تا منگووال روڈ نزد پیر حسین شاہ دربار پنڈی دھوتھڑاں کے قریب نجی سکول وین بے قابو ہو کر درخت سے جا ٹکرائی. وین میں موجود متعدد طالبعلم نے زخمی ہونے کی اطلاعات ہیں.

    یہ بھی پڑھیں: طالبات سے بھری مدرسہ کی گاڑی سے ٹریکٹر ٹرالی ٹکرا گئی، 1 شخص جاں بحق

    منڈی بہاؤالدین میں رواں ہفتے سٹوڈنٹ وین کا یہ دوسرا حادثہ ہے. ضلع انتظامیہ کو کس بڑے حادثے کا انتظار. وین اور بسوں کا فٹنس سرٹیفکیٹ چیک نہ ہونے کی وجہ سے حادثات میں مسلسل اضافہ ہو رہا ہے.

  • الائیڈ سکول پاہڑیانوالی نے منڈی بہاؤ الدین  کے بعد ریجنل لیول پر بھی میدان مار لیا

    الائیڈ سکول پاہڑیانوالی نے منڈی بہاؤ الدین کے بعد ریجنل لیول پر بھی میدان مار لیا

    الائیڈ سکول اڈا پاہڑیانوالی نے منڈی بہاؤ الدین کے بعد ریجنل لیول پر بھی میدان مار لیا۔ ریجنل لیول پر منعقدہ بین الا ضلاعی ادبی مقابلہ جات میں الائیڈ سکول اڈا پاہڑیانوالی کے طلباء و طالبات نے تمام مقابلوں میں نمایاں پوزیشنز حاصل کر کے کامیابی کے جھنڈے گاڑ دیئے۔

    پاہڑیانوالی (احسان نازشِ سے) سکول اساتذہ اور بچوں کی انتھک محنت رنگ لے آئی۔ سکول کی پرنسپل مس نرگس بانو اور وائس پرنسپل مس سیدہ ہاجرہ نے بچوں کی تیاری میں کلیدی کردار ادا کیا۔ بوائز کیمپس کے پرنسپل غلام رسول کی تمام اساتذہ اور بچوں کی خصوصی مبارک باد۔

    انگریزی تقاریر، اشمل حسن اول، اردو تقاریر، مبرا شہزاد اول پوزیشن، 12 سال سے کم عمر بچوں کے مقابلوں میں، عندلیب تیسرے نمبر پر رہی۔ دو مقابلے کے نتائج ابھی آنا باقی ہیں جن میں ادارہ ہذا کے طلباء کامیابی کے لئے پر امید ہیں اور منتظر ہیں۔

    اس موقع پر سکول کے ڈائریکٹر پروفیسر اظہر اقبال نے کہا کہ چناب کیمپس نہ صرف بچوں کی تعلیم اور تربیت کے لئے ہمہ وقت کوشاں ہے بلکہ ان کی نصابی اور ہم نصابی صلاحیتوں کو بھی اجاگر کرنے کے ہر لحاظ سے مقامی اور قومی سطح پر پلیٹ فارم مہیا کر رہا ہے۔ جس کے لئے تمام اخراجات ادارہ ہذا اپنے پاس سے برداشت کرتا ہے۔

    اس موقع پر بورڈ آف ڈائریکٹرز کے چئیر مین پروفیسر سید رخسار حسین، سید عادل عباس اور مسز شازیہ اکمل نے بھی اس شاندار کامیابی پر تمام اساتذہ، بچوں اور ان کے والدین کو مبارک دی۔ سکول انتظامیہ کا کہنا تھا کہ کامیابی کا یہ سفر انشاءاللہ جاری و ساری رہے گا۔