ایران نے پاپ گلوکار امیر حسین المعرف ٹیٹالو کو پیغمبرِ اسلام کی توہین کرنے پر سزائے موت سنا دی۔ عرب میڈیا کے مطابق ایران کی مشہور پاپ گلوکار کو گزشتہ سال توہین مذہب کے الزام میں ترکی سے طلب کرکے حراست میں لیا گیا تھا۔
گلوکار کو اس سے قبل توہین مذہب کے جرم میں 5 سال قید کی سزا سنائی گئی تھی۔ تاہم کیس دوبارہ کھولا گیا اور اس بار توہین رسالت صلی اللہ علیہ وسلم بھی ثابت ہوئی۔ عدالت نے گزشتہ پانچ سال قید پر استغاثہ کے اعتراض کو قبول کرتے ہوئے 37 سالہ گلوکار کو پیغمبر اسلام کی توہین کرنے پر سزائے موت سنائی۔
یاد رہے کہ گلوکار امیر حسین 2018 سے استنبول میں مقیم تھے اور انہیں ترک پولیس نے توہین مذہب اور توہین رسالت کے الزام میں دسمبر 2023 میں ایران کی درخواست پر گرفتار کر کے ایران کے حوالے کیا تھا۔گلوکارہ کو اس سے قبل جسم فروشی کو فروغ دینے، اسلامی جمہوریہ کے خلاف پروپیگنڈہ پھیلانے اور فحش مواد شائع کرنے کے جرم میں 10 سال قید کی سزا سنائی گئی تھی۔
