منڈی بہاؤالدین: شادی کی تقریب میں نوٹوں کی بارش، اداکار برہم ہوگئے

منڈی بہاؤالدین ( آن لائن)پاکستان شوبز انڈسٹری کے معروف اداکار سمیع خان مہنگائی کے اس دور میں شادی کی ایک تقریب میں نوٹوں کی بارش ہوتے دیکھ کر برہم ہوگئے۔

تفصیلات کے مطابق سوشل میڈیا پر منڈی بہاؤالدین میں ہونے والی شادی کی ایک تقریب کی ویڈیو وائرل ہورہی ہے، جس میں ہوا میں نوٹ اُڑتے ہوئے اور نیچے کھڑے لوگوں کو اُڑتے نوٹ پکڑتے ہوئے دیکھا جاسکتا ہے۔

یہ بھی پڑھیں: ہیلی کاپٹر اور ہوا میں اڑتے کرنسی نوٹ (تحریر: رحمان علی تارڑ)

اداکار سمیع خان نےاپنی انسٹا سٹوری پر اس شادی کی تقریب سے وائرل ہونے والی ایک ویڈیو کو شیئر کرتے ہوئے برہمی کا اظہار کیا۔اُنہوں نے اپنی سٹوری میں لکھا کہ”یہ وہی ملک ہے جہاں ایک غریب آدمی اپنے بچوں کے لیے آٹا لینے جاتا ہے اور مرجاتا ہے۔ بے حسی کی انتہا ہے، استغفراللّٰہ”۔