منڈی بہاؤالدین(ملک رؤف زبیر ) ڈی سی منڈی بہاؤالدین کی ہدایت پر، وزیراعظم پاکستان شہباز شریف کے ویژن کے مطابق رمضان المبارک میں لوگوں کو سستی اشیاء کی فراہمی کو یقینی بنانے کیلئے پرائس کنٹرول مجسٹریٹ سید اعجاز احمد نقوی نے سیکرٹری مارکیٹ کمیٹی کے ہمراہ صبح سویرے سبزی منڈی اور فروٹ منڈی کا وزٹ کیا۔
انہوں نے اپنی نگرانی میں بولی کروائی۔ سید اعجاز احمد نقوی رمضان المبارک میں گراں فروشی کے خاتمہ کے لیے دن رات ایک کیے ہوئے ہیں۔لیکن گراں فروش روایتی ڈھٹائی کا مظاہرہ کرتے ہوئے جرمانے اور پرچوں کو بالائے طاق رکھتے ہوئے غریبوں کا خون نچوڑنے میں کسر اٹھا نہیں رکھ رہے ہیں۔
پوری دنیا میں مذہبی تہواروں پر خصوصی ڈسکاؤنٹ فراہم کیے جاتے ہیں لیکن ہم پاکستانی مسلمان مذہبی تہواروں پر اشیاء کی قیمتیں دوگنا کر کے نیکیوں میں ایک دوسرے پر سبقت حاصل کرنے ہوئے جنہم کا ایندھن اکٹھا کرتے نہیں تھکتے ہیں۔
