ڈسٹرکٹ اکاﺅنٹس آفیسرانصر سندھو کی زیر صدارت ڈسٹرکٹ اکاﺅنٹس آفس میں افسران اور سینئر ایڈیٹرز کااجلاس منعقد ہوا۔ اجلاس میں ڈپٹی ڈسٹرکٹ اکاﺅنٹس آفیسرز راجہ طالب، ظفر رانجھا، سینئر ایڈیٹرز محمد عمران، لیاقت رانجھا، محمد سمیع، اللہ دتہ ( اے ڈی)، فیصل عمران، انصر گوندل (جی پی فنڈ)، مظہر گوندل اور دیگر افسران بھی موجود تھے۔
منڈی بہاوالدین (ایم.بی.ڈین نیوز 13اکتوبر 2024 ) اجلاس میں بتایا گیا کہ اکاﺅنٹس آفس میں پنشنرز سمیت تقریبا 20 ہزار ملازمین کی تنخواہوں کی ادائیگی اور پے رول کا اجراء کامیابی سے جاری ہے۔ ملازمین کی تنخواہوں اور پنشنرز کو پنشن کی فوری کلیرنس اور ترسیل ہی اکاﺅنٹس آفس کی اولین ترجیح ہے۔ یہی وجہ ہے کہ تنخواہوں کی بر وقت ادائیگی کو یقینی بنایا جا رہا ہے۔
ڈسٹرکٹ اکاﺅنٹس آفیسر انصر سندھو نے بتایا کہ ڈسٹرکٹ اکاﺅنٹس آفس میں سرکاری اداروں اور مفاد عامہ کیلئے پبلک انفارمیشن سسٹم کے ذریعے سائلین کو کسی بھی قسم کے واجبات کی ادائیگی کے حوالے سے معلومات اور رہنمائی فراہم کی جاتی ہے۔ ضلعی محکموں کے بلوں کی کلیرنس کیلئے خصوصی کاﺅنٹر قائم ہے، جہاں موجود عملہ پوری محنت اور لگن سے اپنی ڈیوٹی سر انجام دے رہا ہے۔
انہوں نے بتایا کہ ماضی کی نسبت اس سال سرکاری بلوں کے التواءکی شرح نہ ہونے کے برابر ہے۔ انہوں نے اس عزم کا اعادہ کیا کہ ڈسٹرکٹ اکاﺅنٹس کا تمام عملہ بلوں کی کلیرنس کے عمل میں شفافیت اور برق رفتاری کی روایت کو برقرار رکھے گا۔ ان کا کہنا تھا کہ سرکاری ملازمین کے لیے میرے دفتر کے دروازے ہمیشہ کھلے رہیں گے۔
