ڈپٹی کمشنر تسنیم علی خاں نے پراجیکٹ ڈائریکٹر پی ایم یو عدیل اسلم کے ہمراہ سٹی ہسپتال اور چلڈرن ہسپتال کا دورہ کیا۔ انہوں نے ہسپتال کے تمام شعبہ جات کا معائنہ کرتے ہوئے مریضوں کو دی جانے والی طبی سہولیات کا بغور جائزہ لیا.
منڈی بہاﺅالدین (ایم.بی.ڈین نیوز 06 جنوری 2023 ) انہوں نے مریضوں اور لواحقین سے خیریت دریافت کرتے ہوہے طبی عملہ کا رویہ، ادوایات کی فراہمی اور دیگر سہولیات کے بارے پوچھا جس پر انہوں نے ہسپتال کے عملہ کے برتائو اور مہیا کی جانے والی سہولتوں پر اپنے اطمینان کا اظہار کیا۔
اس موقع پر چلڈرن ہسپتال کے ایم ایس ڈاکٹر اعجاز احمد مغل نے چلڈرن ہسپتال میں سہولیات بہتر کرنے کے لیے اپنی تجاویز پیش کیں۔ ڈپٹی کمشنر نے ہسپتال میں سٹاف کی کمی کو دور کرنے کےلے فوری طور پر 4 ڈاکٹر اور 4 نرسز تعنیات کرنے کے احکامات جاری کیے ۔اس موقع پر سی او ہیلتھ ڈاکٹر عابد یوسف بھی موجود تھے۔
