منڈی بہاءالدین کا رہائشی گجرات میں موبائل فون اور نقدی سے محروم

تازہ ترین واقعہ کنجاہ کے علاقے چوکناوالی میں پیش آیا جہاں نامعلوم مسلح ڈاکوؤں نے منڈی بہاءالدین کے رہائشی تصور عباس سے گن پوائنٹ پر لاکھوں روپے کی نقدی اور موبائل فون لوٹ لیا۔ پولیس نے متاثرہ کی شکایت پر مقدمہ درج کر کے تفتیش شروع کر دی ہے۔

دوسری جانب گجرات میں بھی موٹر سائیکل چوری کرنے والے گروہوں کی سرگرمیاں عروج پر ہیں۔ مختلف علاقوں سے شہریوں کے گھروں اور بازاروں سے قیمتی موٹر سائیکلیں چوری کر لی گئیں۔

گڑھی احمد آباد کے اعجاز حسین، دسوندھی پورہ سے اسد اللہ اور جلال پور جٹاں کے گاؤں سوہل کلاں سے شاہ زیب کی موٹر سائیکلیں گھروں کے باہر سے چوری کر لی گئیں۔ تھانہ لاری اڈہ، شاہین اور صدر جلالپور جٹاں نے تمام واقعات کے مقدمات درج کر کے تفتیش شروع کر دی ہے۔