تہران: ایران میں 33 سالہ خاتون رویا ہیشمتی کو نامناسب لباس پہننے اور صحیح طریقے سے حجاب نہ پہننے پر 74 کوڑوں کی سزا سنادی گئی۔
عرب میڈیا کے مطابق ایران کی عدالت نے رویا حشمتی نامی خاتون کو عوامی مقام پر اخلاقی حدود کی خلاف ورزی کرنے پر سزا سنادی۔ عدالت نے اپنے فیصلے میں لکھا کہ زیر بحث خاتون نے عوامی مقامات پر شرعی قوانین اور ایرانی ثقافت کے مطابق ڈریس کوڈ کی پابندی نہیں کی۔
سعودی عرب میں خواتین کے نیم عریاں لباس میں ’سامبا‘ رقص کی ویڈیوز وائرل
دوسری جانب نارویجن ہیومن رائٹس آرگنائزیشن کا کہنا ہے کہ کرد خاتون رویا ہیماشتی ایک سرگرم کارکن ہیں اور اسے سوشل میڈیا اکاؤنٹس پر اپنی ایک تصویر شیئر کرنے پر گرفتار کیا گیا جس میں اس نے اسکارف نہیں پہنا ہوا تھا۔ ناروے کی این جی او کے مطابق ایرانی عدالت نے رویا ہماشتی کو ایک سال قید کی سزا بھی سنائی ہے۔ تاہم یہ سزا معطل کر دی گئی جبکہ ان پر 3 سال کے لیے ایران چھوڑنے پر بھی پابندی ہے۔
یاد رہے کہ حجاب قانون کے تحت کرد خاتون کو کوڑوں کی سزا ایک ایسے وقت میں دی گئی ہے جب مہسا امینی نامی کرد لڑکی کی اخلاقی پولیس کی حراست میں حجاب نہ پہننے کی وجہ سے ہلاکت کے بعد ملک میں مظاہرے تاحال جاری ہیں۔ 2022 کے آخر میں صحیح طریقے سے حجاب کریں۔
