کیا آپ کو واٹس ایپ پر پرانا میسج ڈھونڈنے میں مشکل پیش آتی ہے؟ تو پریشان مت ہوں اب آپ کو مزید اسکرول نہیں کرنا پڑے گا کیونکہ واٹس ایپ نے ایک زبردست فیچر متعارف کرایا ہے جس کے ذریعے صارفین تاریخ ڈال کر اپنا مطلوبہ میسج تلاش کرسکتے ہیں۔
یہ بھی پڑھیں: 50 کروڑ صارفین کا واٹس ایپ ہیک؛ زکر برگ نے ڈیٹا محفوظ کرنے کا طریقہ بتادیا
وابیٹا انفو کے مطابق یہ فیچر ان لوگوں کیلئے بہت کارآمد ہے جو اپنے کسی پرانے میسج کو دوبارہ پڑھنا چاہتے ہیں یا یہ دیکھنا چاہتے ہیں کہ کسی مخصوص تاریخ کو کون سے پیغامات شیئر کیے گئے تھے، چیٹ میں کیلینڈر کا آئیکن دیکھا جاسکتا ہے جس پر کلک کرکے آپ تاریخ کا انتخاب کریں گے۔
ابھی یہ فیچر محدود لوگوں کو فراہم کیا گیا ہے، جن صارفین کی پروفائل میں کیلنڈر کا آئیکن ظاہر ہورہا ہے تو اس کا مطلب ہے کہ یہ فیچر انکے واٹس ایپ اکاؤنٹ پر فعال ہے، یہ فیچر آئندہ ہفتوں میں مزید صارفین تک پہنچ جائے گا۔
رپورٹ کے مطابق اس فیچر پر گزشتہ دو برسوں سے کام جاری تھا لیکن بیچ میں یہ تاخیر کا شکار ہوگیا تاہم اب اسے پیش کردیا گیا ہے۔
