اگر آپ کا قانونی حق حکومت پنجاب کے کسی سرکاری ادارے میں تاخیر یا بد انتظامی کا شکار ہے اور یہ کسی عدالتی کاروائی کا حصہ نہیں تو پھر آپ اپنے حق کے حصول کیلئے بنا کسی فیس اور وکیل کے دفتر محتسب پنجاب سے رابطہ کر سکتے ہیں۔
منڈی بہائوالدین ( ایم.بی.ڈین نیوز 30 مئی 2022) دفتر محتسب صوبائی حکومت کے اداروں سے متعلق عوامی تکالیف اور شکایات کے حل کے ساتھ ساتھ کسی زیادتی یا ظلم و ستم کا شکار بچوں کی قانونی امداد کیلئے 36 اضلاع میں سرگرم عمل ہے۔ آپ اپنی درخواست دفتر محتسب پنجاب کو بزریعہ ڈاک، ویب سائٹ، موبائل پورٹل یا متعلقہ ضلع کے محتسب آفس میں دستی جمع کروا سکتے ہیں۔
مزید معلومات اور رہنمائی کیلئے محسب آفس کی ہیلپ لائن 1050 پر رابطہ کریں یا ویب سائٹ www.ombudsmanpunjab.gov.pk وزٹ کریں۔ آپ گوگل پلے سٹور سے موبائل ایپ opmis بھی ڈاؤن لوڈ کر سکتے ہیں۔ عوامی حق کا محافظ دفتر محتسب پنجاب
