منڈی بہاﺅالدین ( سٹاف رپورٹر) یونین کونسل سویہ میں آئے روز چوری اور ڈکیتی کی سنگین وارداتیں۔ علاقہ ڈاکو نگری بن چکا ہے۔ ڈی پی او نوٹس لیں۔
تفصیلات کے مطابق موضع سویہ اور نوحی علاقے میں چوری اور ڈکیتی کی وارداتیں آئے روز کا معمول بن چکی ہیں ‘ علاقہ ڈاکو نگری بن چکا ہے ‘ لوگوں نے شام کے بعد گھروں سے نکلنا چھوڑ دیا ہے.
گزشتہ روز سر شام ارسلان نامی نوجوان ڈنگہ سے گاﺅں آ رہا تھا کہ سویہ لنک روڈ نزد ڈیرہ کے نزدیک چار مسلح ڈاکوﺅں نے ناکہ لگا رکھا تھا موذکورہ نوجوان کو تشدد کیا اور اس سے نیا ہنڈا موٹر سائیکل 125چھین لیا اس کے علاوہ ایک کار سوار فیملی کو بھی روک پر ڈیڑھ لاکھ روپے نقدی چھین لی.
اس مقام پر چند روز قبل بھی ڈکیتی کی واردات ہوئی ہے ‘ صدر پولیس موقع پر پہنچی تاہم ابھی تک کوئی گرفتاری یا برآمدگی نہیں ہو سکی ‘ سویہ گاﺅں کے گھروں میں بھی کئی چوری کی وارداتیں رپوٹ ہوئی ہیں ‘ پے در پے وارداتوں نے علاقے میں بھرپور خوف و ہراس پھیلا دیا ‘ اہل علاقہ نے ڈی پی او منڈی بہاﺅالدین سے مطالبہ کیا ہے کہ وہ نوٹس لیں اور تھانہ صدر پولیس کے وارداتوں کے تدارک کیلئے سخت احکامات جاری کریں ۔
