قادرآباد (منڈی بہاؤالدین) ایثار فاؤنڈیشن قادرآباد منڈی بہاؤالدین نے حسبِ روایت اس سال بھی اپنی بہترین روایت کو برقرار رکھتے ہوئے 25 مستحق بچیوں کی شادی کا اہتمام کیا۔ یہ شادیاں نہایت عزت و احترام کے ساتھ انجام دی گئیں، جہاں بچیوں کو اپنی بیٹیوں کی طرح رخصت کیا گیا۔
اب تک ایثار فاؤنڈیشن 233 بچیوں کو زندگی کے نئے سفر پر رخصت کر چکی ہے، جو کہ ایک شاندار فلاحی کارنامہ ہے۔ یہ عمل نہ صرف قابلِ تعریف ہے بلکہ ہمارے معاشرے کے لیے ایک روشن مثال بھی ہے۔
ایثار فاؤنڈیشن قادرآباد کا جذبۂ خدمت واقعی لائقِ فخر ہے۔ خاموشی سے خدمتِ خلق کا یہ سفر جاری رکھ کر انہوں نے سنتِ رسول صلی اللہ علیہ وآلہ وسلم کی پیروی کا خوبصورت عملی نمونہ پیش کیا ہے۔
ایثار فاؤنڈیشن کے تمام ممبران، معاونین، اور اہلِ خیر حضرات جنہوں نے اس نیکی میں حصہ لیا، وہ حقیقی معنوں میں قابلِ ستائش ہیں۔ اللہ تعالیٰ ان سب کو اس عمل کا بہترین صلہ عطا فرمائے، ان کے رزق و عمر میں برکت دے، اور ان کی کاوشوں کو اپنی بارگاہ میں قبول فرمائے۔
