پھالیہ اور ملکوال میں کمیونٹی ڈویلپمنٹ دفاتر کا افتتاح کر دیا گیا

ڈویژنل ڈائریکٹر سوشل ویلفیئر اینڈ بیت المال گوجرانوالہ چوہدری واجد حسین نے منڈی بہاوالدین کا دوہ کیا۔ اپنے دورے کے دوران انہوں نے ڈپٹی ڈائریکٹر سوشل ویلفیئر عاطف علی وڑائچ کے ہمراہ ضلع منڈی بہاوالدین کی تحصیل پھالیہ اور ملکوال میں کمیونٹی ڈویلپمنٹ کے نئے قائم کئے گئے دفاتر کا افتتاح کیا۔

منڈی بہاوالدین ( ایم۔بی۔ڈین نیوز 14 دسمبر 2023 ) اس موقع پر ڈویژنل ڈائریکٹر سوشل ویلفیئر چوہدری واجد حسین کا کہنا تھا کہ سیکرٹری سوشل ویلفیئر پنجاب کی خصوصی کاوش سے پنجاب بھر کی وہ تحصیلیں جہاں سوشل ویلفیئر کے دفاتر موجود نہیں تھے، وہاں پر نئے دفاتر قائم کئے گئے ہیں جو کہ اس علاقہ کیلئے نعمت ہیں۔

ان کا کہنا تھا کہ ان دفاتر کے قیام سے تحصیل کے لوگوں کو کمیونٹی ڈویلپمنٹ کی بہترین سروسز مہیا ہوں گی اور وہ لوگ جو کہ سماجی تنظیمیں رجسٹرڈ کروانا چاہتے ہیں وہ اپنی متعلقہ تحصیل کے سوشل ویلفیئر کے دفترمیں رجسٹرڈ کروا سکتے ہیں ۔ اس موقع پر اہلیان علاقہ نے ڈائریکٹر سوشل ویلفیئر گوجرانوالہ کا شکریہ ادا کیا۔