Search results for: “ڈسٹرکٹ پولیس”

ڈسٹرکٹ پولیس آفیسر نعیم عزیز سندھو” نے زاہد محمود گوندل شہید پولیس لائن میں اردل روم کا انعقاد کیا۔

جس میں افسران و ملازمین کی عرض و معروض کو سنا گیا اور عوام الناس کیساتھ نامناسب رویہ۔غفلت۔لاپرواہی۔غیر حاضری۔کی پاداش میں مختلف سزائیں دی۔دو انسپکٹرز کو سنشور۔ایک انسپکٹر کی ایک سال سروس ضبط۔دو سب انسپکٹرز کو سنشور۔05 اے ایس آئیز کو سنشور۔دو کنسٹیلان کی ایک ایک سال سروس ضبط۔دو کنسٹیلان کو جرمانہ اور دو کنسٹیبلان کو معطل کردیا

اس موقع پر نعیم عزیز سندھو(DPO منڈی بہاؤالدین) کا کہنا تھا کہ عوام الناس کیساتھ خوش اخلاقی سے پیش نہ آنے۔صفائی ستھرائی۔غیر حاضری۔غفلت۔لاپرواہی اور اپنے فرائض میں سستی کرنے والے پولیس افسران و ملازمین کیخلاف بروقت اور بلاتفریق قانونی کاروائی عمل میں لائی جائے گی جبکہ اچھی اور بہترین کارکردگی کا مظاہرہ کرنے والوں کی حوصلہ افزائی کیجائے گی

منڈی بہاوالدین(بیورورپورٹ) ڈسٹرکٹ پولیس آفیسر انور سعید طاہر کی شہید کانسٹیبل کے گھر آمد، اکلوتے بیٹے کو تحائف پیش کیے، شہید کی خدمات کو خراج تحسین، قبر پر پھولوں کی چادر چڑھائی پولیس کے دستہ نے سلامی پیش کی

تفصیلات کے مطابق ڈسٹرکٹ پولیس آفیسر انور سعید طاہر نے شہید پولیس کانسٹیبل امتیاز احمد کے گھر کوٹ بلوچ جا کر انکے اہل خانہ سے تعزیت کی اور شہید کے بیٹے کو تحائف دیئے، ڈسڑکٹ پولیس آفیسر انور سعید طایر کا کہنا تھا کہ شہید کانسٹیبل گذشتہ سال فرائض کی انجام دہی کے دوران شہید ہوگیا تھا، شہید ہمارے ماتھے کا جھومر ہیں، اور پولیس فورس کو ان پر فخر ہے.

ڈی پی او انور سعید طاہر نے شہید کے لواحقین کو اس بات کی یقین دہانی کرائی کہ محکمہ پولیس شہید کے گھرانہ کی ہر خوشی اور غم میں برابر کا شریک ہے، اس موقع پر ڈی ایس پی آرگنائزر کرائم عامر شاہین گوندل، ڈی ایس پی صدر سرکل و پھالیہ خالد ملک بھی موجود تھے، شہید کانسٹیبل امتیاز احمد کی قبر پر پولیس کے چاک و چوبند دستے نے سلامی پیش کی اور پھولوں کی چادر چڑھائی، اور فاتحہ خوانی کی گئی،

ملک وال(نامہ نگار) نئے تعینات ہونے والے ڈسٹرکٹ پولیس آفیسر ملک ساجد حسین کھوکھر نے گزشتہ روز تھانہ میانہ گوندل کا دورہ کیا انہوں نے ایس یاچ اور اور تفتیشی افسر کو ہدایت کی کہ چند روز قبل ہونے والے دوہرے قتل کیس کے ملزموں کو جلد گرفتار کیا جائے اور کیس کی میرٹ پر تفتیش کی جائے ڈی پی او ملک ساجد کھوکھر نے تھانہ کا ریکارڈ، حوالات، فرنٹ ڈیسک سمیت دیگر امور کا معائنہ کیا اس موقع پر ڈی ایس پی ملکوال راجہ فخر بشیر بھی موجود تھے.

یہ بھی پڑھیں: ڈی پی او منڈی بہاوالدین ساجد حسین کھوکھر کی دفتری عملہ سے پہلی میٹنگ

انسپکٹر جنرل آف پولیس پنجاب ڈاکٹر عثمان انور کی خصوصی ہدایت پر ڈسٹرکٹ پولیس آفیسر منڈی بہاءالدین وسیم ریاض خان نے پولیس شہداء کے اہلِ خانہ میں رمضان المبارک کے بابرکت مہینے کے موقع پر راشن پیکج تقسیم کیے۔

تقریب زاہد محمود گوندل شہید پولیس لائنز میں منعقد کی گئی، جہاں شہداء کی فیملیز کو مدعو کیا گیا۔ اس موقع پر رمضان راشن بیگز، گولڈ میڈل اور بچوں میں گفٹ ہیمپرز تقسیم کیے گئے۔ منڈی بہاءالدین پولیس کے 13 شہداء کے اہلِ خانہ کو خصوصی پیکجز دیے گئے، تاکہ انہیں رمضان المبارک میں کسی پریشانی کا سامنا نہ کرنا پڑے۔

تقریب میں زاہد محمود گوندل شہید پولیس لائن میں “شہداء پولیس گارڈن” کے قیام کا بھی اعلان کیا گیا، جس کی افتتاحی تقریب میں شہداء کے اہلِ خانہ نے یادگاری پودے لگائے۔

ڈی پی او وسیم ریاض خان نے اس موقع پر شہداء کی قربانیوں کو خراجِ تحسین پیش کرتے ہوئے کہا کہ “ہم سب شہداء کی لازوال قربانیوں کے ہمیشہ مقروض ہیں۔ شہداء پولیس ہمارے ماتھے کا جھومر ہیں، جن کی قربانیاں ناقابلِ فراموش ہیں۔ پولیس اپنے شہداء کے بچوں اور اہلِ خانہ کو کبھی تنہا نہیں چھوڑے گی اور ان کی کفالت میں کوئی کسر نہیں اٹھا رکھے گی۔”