مراکش سے شہریوں کو سمندر کے راستے یورپ بھجوانے میں ملوث ملزم سمیت دو انسانی سمگلرز کو گرفتار کر لیا گیا۔ ملزمان کی شناخت عمر حیات اور محمد نعیم کے نام سے ہوئی، جنہیں ایف آئی اے کی ٹیم نے فیصل آباد اور شیخوپورہ سے حراست میں لے کر پوچھ گچھ کی۔
ملزم عمر حیات نے شہری کو یورپ بھجوانے کے نام پر 57 لاکھ روپے وصول کیے اور اسے دیگر ساتھیوں کے ہمراہ وزٹ ویزے پر مختلف ممالک سے موریطانیہ بھجوایا۔ جبکہ دوسرے ملزم محمد نعیم نے شہریوں کو سعودی عرب میں نوکری دلانے کا جھانسہ دے کر 21 لاکھ روپے بٹورے اور انہیں سعودی عرب نہیں بھجوایا اور رقم لے کر روپوش ہو گیا۔
مراکش کشتی حادثے میں بچ جانے والے 7 پاکستانی وطن واپس پہنچ گئے
ادھر ایف آئی اے نے مراکش کشتی حادثے میں ملوث ملزم کو منڈی بہاؤالدین سے گرفتار کر لیا۔ انسانی سمگلر نے منڈی بہاؤالدین کے رہائشی سے 50 لاکھ روپے لیے تھے۔ مراکش میں کشتی حادثے میں شہری کی موت ہو گئی۔
