نوشکی میں 12 افراد کے قتل میں ملوث 4 ملزمان کو گرفتار کر لیا گیا۔ بلوچستان حکومت کی جانب سے سانحہ نوشکی میں جاں بحق ہونے والے افراد کے لواحقین کو 10,10 لاکھ روپے کے چیک پہنچائے گئے۔
نوشکی واقعے میں جاں بحق ہونے والوں میں سے چھ کا تعلق منڈی بہاؤالدین سے تھا جبکہ تین کا تعلق گوجرانوالہ کے مختلف علاقوں سے تھا۔ ڈپٹی کمشنر نوشکی حبیب اللہ پہلے بلوچستان حکومت کی جانب سے مالی امداد کے چیک لے کر منڈی بہاؤالدین پہنچے اور پھر کمشنر آفس گوجرانوالہ میں متاثرہ خاندانوں کے لواحقین میں چیک تقسیم کیے۔
بلوچستان: نوشکی میں ایرانی زائرین کی بس پر فائرنگ، 9 افراد شہید
ڈی سی نوشکی کا کہنا تھا کہ دہشت گرد حملے میں ملوث چار ملزمان کو گرفتار کر لیا گیا ہے۔ باقی ملزمان کو بھی گرفتار کر کے انصاف کے کٹہرے میں لایا جائے گا۔ انہوں نے کہا کہ بلوچستان میں لوگوں کی زندگیوں کو محفوظ بنانے کے لیے مزید چیک پوسٹیں بنائی جا رہی ہیں۔ شاہراہوں پر موثر گشت کے لیے بھی انتظامات کیے جا رہے ہیں۔
سانحہ نوشکی میں جاں بحق ہونے والے لواحیقین میں 60 لاکھ روپے کے چیک تقسیم
