آئی جی پنجاب ڈاکٹر عثمان انور کی ہدایت پر کمپنسیشن ایوارڈ کمیٹی کا اجلاس ہوا جس میں دوران ڈیوٹی زخمی ہونے والے پولیس ملازمین کی ہیلتھ ویلفیئر کیلئے 20 لاکھ روپے جاری کیے گئے۔
رحیم یار خان کے زخمی ہیڈ کانسٹیبل محمد جمیل کو علاج کے لیے 10 لاکھ روپے دیے گئے۔ منڈی بہاؤالدین کے زخمی کانسٹیبل وقار احمد اور ذیشان خادم کو ان کے طبی اخراجات کے لیے ڈھائی لاکھ روپے فی کس دیے گئے۔ رحیم یار خان کے زخمی کانسٹیبل محمد نوید کو علاج کے لیے ڈھائی لاکھ روپے دیے گئے۔ جبکہ ایلیٹ پولیس کے زخمی کانسٹیبل منیر احمد کو طبی اخراجات کے لیے ڈھائی لاکھ روپے دیے گئے۔
یاد رہے کہ تمام اہلکار پیشہ وارانہ فرائض کی ادائیگی کے دوران مختلف واقعات میں زخمی ہوئے جس پر آئی جی پنجاب نے لائن آف ڈیوٹی کے دوران زخمی ہونے والے اہلکاروں کی جلد صحت یابی کے لیے ہر ممکن تعاون کا حکم دیا۔