وزیر اعلیٰ پنجاب ،چیف سیکرٹری پنجاب اور کمشنر گوجرانوالہ کی خصوصی ہدایت پر ضلع منڈی بہاوالدین کے عوام الناس کو مہنگائی سے ریلیف مہیا کرنے اور اشیائے خوردونوش کی قیمتوں میں کمی کے مثبت ثمرات نچلے طبقے تک منتقل کرنے کے حوالے سے ایڈیشنل ڈپٹی کمشنر ریونیو ذوالفقار احمد کی زیرصدارت اشیائے خوردونوش کی نئی قیمتیں مقرر،
منڈی بہاوالدین( ایم.بی.ڈین نیوز 17 جنوری 2024) نئی قیمتوں کا تعین تاجر برادری اور سول سوسائٹی کے نمائندوں کی مشاورت، اوپن وہول سیل مارکیٹ اور دیگر اضلاع میں رائج قیمتوں کو مدنظر رکھتے ہوئے تمام اشیائے خوردونوش کی قیمتوں کا نوٹیفکیشن جاری کردیاگیا۔
نوٹیفیکیشن کے مطابق آٹا 20 کلو تھیلا 2،790، آٹا 10کلو تھیلا 1،399روپے، چاول باسمتی سپر نیا 265 روپے فی کلو گرام، دال چنا (موٹی)220، باریک 210، دال مسور موٹی 285، دال ماش دھلی ہوئی500، دال ماش چھلکا 450، دال مونگ 255 روپے، سیاہ چنا 210، سفید چنا کینیڈین 280، بیسن220، روٹی(100گرام) 15روپے، سادہ نان (120گرام) 20 روپے مقرر کیا گیا ہے.
چھوٹا گوشت مٹن1،400، بڑا گوشت بیف 700، دودھ 140 روپے لیٹر، دہی 150 روپے کلو جبکہ گوشت برائلر، انڈے، سبزی و پھل وغیرہ کے نرخ مارکیٹ کمیٹی کے جاری کردہ ہوں گے۔
ایڈیشنل ڈپٹی کمشنر ریونیو ذوالفقار احمد کا کہنا تھا کہ ضلعی پرائس کنٹرول کمیٹی کی مقرر کردہ قیمتوں پر نفاذ اور ان پر عملدرآمد سو فیصد یقینی بنایا جائے گا، انجمن تاجران و کریانہ مرچنٹس ضلعی اور تحصیل انتظامیہ کے ساتھ مل کر حکومت کی جانب سے اشیائے خوردونوش کی قیمتوں کو موثر بنانے کیلئے اپنا تعاون اور کلیدی کردار ادا کریں اور از خود قیمتوں کو کم کر دیں۔ ناجائز منافع خوری قطعاً برداشت نہیں کی جائے گی۔
