پھالیہ: دکھی انسانیت کی بے لوث خدمت میرا شیوہ ہے ہسپتال کے تمام ملازمین ڈیوٹی کو خدمت خلق کے جذبہ سے سرانجام دیں ڈیوٹی میں کسی قسم کی کوتاہی برداشت نہیں کی جائےگی
منڈی بہاوالدین (شاہ مردان) ان خیالات کا اظہار تحصیل ہیڈ کوارٹر ہسپتال پھالیہ کے میڈیکل سپرنٹنڈنٹ ڈاکٹر رضوان علی تابش نے میڈیکل سپرنٹنڈنٹ کا چارج سنبھالنےکے بعد اپنے دفتر میں میڈیا سے گفتگو کرتے ہوئےکیا ،ڈاکٹر رضوان علی تابش نے کہا کہ میں نے جہاں پر بھی سروس کی ہے میرٹ اور سچائی کو اپنا شعار بنایا ہے اور دنیا و آخرت میں ہمیشہ وہی لوگ کامیاب ہوتے ہیں جو نیک نیتی سے انسانیت کی بے لوث خدمت کو اپنا شعار بناتے ہیں
یہ بھی پڑھیں: میڈیکل سپرنٹنڈنٹ تحصیل ہیڈ کوارٹر ہسپتال پھالیہ ڈاکٹر بشریٰ چوہدری کا ایک اور کارنامہ
انہوں نے کہا کہ الحمداللہ تحصیل ہیڈ کوارٹر ہسپتال پھالیہ میں تمام بنیادی سہولیات موجود ہیں تاہم اس کے ساتھ ساتھ سٹاف کے تعاون سے ہسپتال میں مزید بہتری لانے کی کوشش کروں گا اور اس سلسلہ میں اپنا کلیدی کردار ادا کروں گا میں تمام سٹاف سے بھی امید رکھوں گا کہ وہ میرا بازو بن کر ساتھ نبھائیں گے تاکہ نیک نیتی اور اچھے طریقہ سے ہسپتال کے معاملات کو چلایا جا سکے لوگوں کو ترجیحی بنیادوں پر طبی سہولیات کی فراہمی میری اولین ترجیحات ہیں عوام کے لئے میرے دروازے 24 گھنٹے کھلے ہیں.
انشاءاللہ انسانیت کی بے لوث خدمت کا سلسلہ جاری رہے گا اس موقع پر سینئر جرنلسٹ میاں خوشنود احمد،سینئر جرنلسٹ سید حفیظ سبزواری، ڈاکٹر صداقت علی فارماسسٹ،قائم اکرم رانا ایڈمن آفیسر، کامر فاروق سپراء،سیف اللہ،مظہر اقبال تارڑ،محمد یعقوب اور دیگر بھی موجود تھے
