حکو مت پنجاب کے احکامات کی روشنی میں مارکیٹ میں ضروری اشیاء کی کنٹرول نرخوں پر فراہمی اور قیمتوں کے استحکام کیلئے پرائس کنٹرو ل مجسٹریٹس نے ضلع بھر میں گذ شتہ روز 523 انسپکشنز کیں۔ پرائس کنٹرول ایکٹ کی خلاف ورزی کرنے والے 48 دکانداروں کو 1 لاکھ41 ہزار 5 سو روپے کے جرمانے کئے گئے۔
منڈی بہاوالدین( ایم.بی.ڈین نیوز 24 جون 2022) ڈپٹی کمشنر عثمان خالد خان کا کہنا ہے کہ وزیر اعلی ٰ پنجاب میاں حمزہ شہباز شریف کے احکامات کی روشنی میں ضلع بھر میں مصنوعی مہنگائی پیدا کرنے،ذخیرہ اندوزی اور اوور چارجنگ کرنے والوں کے خلاف کریک ڈاﺅ ن جاری رہے گا۔
ضلع بھر کے دکاندار اور تاجر حضرات مصنوعی مہنگائی پیدا کرنے سے باز رہیں۔ضلعی انتظامیہ نے تاجروں کے نمائندوں کے ساتھ اجلاس کر کے انہیں حکومتی اقداما ت اور طے شدہ نرخوں پرا شیا ءکی فروخت کو یقینی بنانے کی ہدایت کی ہے۔
