منڈی بہاءالدین ڈسٹرکٹ پولیس آفیسر انور سعید کنگرا کی تھانہ کھٹیالہ شیخاں میں کھلی کچہری، عوامی مسائل سنے اور موقع پر انکے حل کے احکامات جاری کیے، چھموں چوکی پولیس ختم نہیں کی گئی، شہریوں کو انصاف کی فراہمی کیلئے دن رات کوشاں ہیں ڈی پی او انور سعید کنگرا کی گفتگو
منڈی بہاءالدین (ایم.بی.ڈین نیوز 11 مارچ 2022) منڈی بہاؤالدین میں ڈسٹرکٹ پولیس آفیسر انور سعید کنگرا نے تھانہ کھٹیالہ شیخاں میں کھلی کچہری کاانعقاد ہوا جس میں علاقہ کی عوام الناس سے درخواستیں موصول کر کے ان کے حل کے لئے فوری طور پر متعلقہ افسران کو احکامات جاری کئے اور کچھ درخواستوں کو موقع پر حل کر دیا گیا.
کھلی کچہری میں ڈی ایس پی ہیڈ کوارٹر خالد رانجھا ، ایس ایچ اوز، درخواست گزار، معززین شہر، نمبرداران اور عوام الناس کی کثیرتعداد نے شرکت کی. ڈی پی اوانور سعید کنگرا نے خطاب کرتے ہوئے کہا کہ کھلی کچہری کے انعقاد کا بنیادی مقصد پولیس اور عوام کے مابین فاصلوں کو ختم کرنا ہے، عوام الناس کے مسائل کو سنناان کا مناسب حل،بروقت کاروائی اور جلد از جلد انصاف کے تقاضوں کو پورا کرنا ہے تاکہ عوام الناس کو انصاف ان کی دہلیز پر پہنچایا جا سکے
انہوں نے مزید کہا کہ عوام الناس کے لئے پولیس افسران کے دروازے چوبیس گھنٹے کھلے ہیں، عوامی شکایات کے فوری ازالے کے لئے پولیس اپنے تمام تر وسائل اور اختیارات بروئے کار لارہی ہے اور اس میں کسی قسم کی کوتاہی اور لاپرواہی ہر گز برداشت نہ کی جائیگی، ڈی پی او کا کہنا تھا کہ چھموں چوکی پولیس ختم نہیں کی گئی بلکہ انچارج کو تبدیل کیا گیا ہے،
