پھالیہ کے نجی ہسپتال میں عطائی و نان کوالیفائیڈ ڈاکٹر نے نوزائدہ بچی کی جان لے لی، ورثا سراپا احتجاج، محکمہ صحت نے شکایت درخواست ردی کی ٹوکری میں پھینک دی
منڈی بہاءالدین ( ایم.بی.ڈین نیوز 17 جنوری 2022) ملحقہ گاؤں لیدھر کلاں میں نان کوالیفائیڈلیڈی ڈاکٹر نے کرائے پر بلڈنگ لے کر اوپر بورڈ آویزاں کر رکھا ہے جس پر مختلف ڈاکٹروں کے نام لکھے ہوئے ہیں ۔ لیدھر کلاں کے رہائشی غلام عباس نے میڈیا کو بتایا کہ میری بیٹی کو لیڈی ڈاکٹر نے الٹرا ساؤنڈ کے بعد فوری ڈلیوری کا مشورہ دیا اور اپنی جہالت کا گھنٹوں مظاہرہ کرتی رہی.
یہ بھی پڑھیں: جہلم کے سرکاری اسپتال میں دو چہروں والے بچے کی پیدائش
حالت غیر ہونے پر پھالیہ رفاعی ہسپتال ریفر کر دیا جہاں آپریشن کر کے مردہ زخمی بچی کی ولادت ہوئی جس کی ذمہ دار لیڈی ڈاکٹر ہے۔ متاثرہ خاندان کا کہنا ہے کہ محکمہ صحت کے ضلعی آفیسر کو درخواست دی جسے ردی کی ٹوکری میں پھینک دیا گیا۔ متاثرہ خاندان نے وزیراعلی پنجاب اور اعلی حکام سے نوٹس لینے کا مطالبہ کیا ہے۔
