انسپکٹر جنرل آف پولیس سردار علی خان کے ویژن کے مطابق ڈسٹرکٹ پولیس آفیسر منڈی بہاٶالدین انور سعید کنگرا نے ڈی ایس پیز ایس ایچ اوز اور ضلع بھر کے پولیس ملازمان کے ساتھ کرسمس سکیورٹی ڈیوٹی کے حوالے سے میٹنگ کی.
منڈی بہاءالدین (ایم.بی.ڈین نیوز 23 دسمبر 2021) میٹنگ کے دوران ڈی پی او منڈی بہاٶالدین نے کرسمس ڈے کی سکیورٹی انتظامات کے حوالے سے بریفنگ دی۔ انہوں نے کہا کہ اس موقع پر فول پروف سکیورٹی کا انتظام کیا جائے گا ۔ انہوں نے کہا کہ مسیحی عباد ت گاہوں کے گر د نواح آبادیوں میں سرچ آپریشن کیا جائے گا۔ڈی ایس پی ہیڈ کواٹر کی زیر نگرانی ڈی پی او آفس کنٹرول روم بھی قائم کیا جائے گا تمام اہم مقامات پر سی سی ٹی وی کیمروں کے ذریعے مانیٹرنگ کی جائے گی۔
یہ بھی پڑھیں: نیو ائیر نائیٹ اور کرسمس کے تیاریوں کے سلسلہ میں آتش سے بھری گاڑی پکڑ لی گئی
واک تھرو گیٹس نصب کئے جائیں گے ۔تقریبات سے پہلے ٹیکنیکل سوئپنگ کرائی جائے گی ۔ سنائپر ڈیوٹی تعینات کی جائے گی ۔ کرسمس کے تقریبات کے وقت وولنٹیرز کھڑے کئے جائیں گے ۔ ٹریفک کے حوالے سے موثر اقدامات کئے جائیں گے۔ ڈی پی او صاحب نے ہدایت کی کہ اپنے پروگرامز میں وقت کی پابندی کو یقینی بنائیں۔ کرسمس بازاروں،تفریح گاہوں اور پارکوں کی سکیورٹی کے لیے اضافی نفری تعینات کی جاۓ گی.
