منڈی بہاؤالدین میں گیس کی لوڈشیڈنگ عروج پر

منڈی بہاؤالدین(فیاض بٹ )منڈی بہاؤالدین میں گیس کی لوڈشیڈنگ عروج پر،کھانا بنانے کے وقت گیس بند ہوتی ہے۔صرف چند گھنٹے گیس فراہم کی جاتی ہے۔سلنڈر کی قیمت آسمان سے باتیں کر رہی ہے۔لکڑیاں بھی بہت مہنگی ہیں۔ گیس کے بل بھی بہت زیادہ آتے ہیں۔ سردی شروع ہونے سے بھی پہلے کی گیس کی لوڈشیڈنگ جاری ہے۔

خواتین کھانا بنانے کے لیے گھنٹوں انتظار کرتی ہیں۔بچوں کے سکول کے لیے ناشتہ بنانے کے لیے صبح سویرے اٹھنا پڑتا ہے۔ شہریوں نے ضلعی انتظامیہ سے مطالبہ کیا ہے کہ منڈی بہاؤالدین کے لوگوں پر رحم کریں ،کھانا بنانے کے ٹائم تو گیس فراہم کی جائے۔اور سوئی نادرن گیس حکام گیس کی لوڈشیڈنگ کے لیے ٹائم ٹیبل جاری کریں۔