منڈی بہاﺅالدین ( ایم.بی.ڈین نیوز 05مئی 2021) ڈپٹی کمشنر طارق علی بسرا نے پھل و سبزی منڈی کا اچانک دورہ کیا انہوں نے مسلسل 22رمضان المبارک کو صبح سویر ے سبزی و فروٹ منڈی جا کر مختلف سبزیوں اور پھلوں کی نیلامی کے عمل کا جائزہ لیا ۔ اس ضمن میں انہوں نے سبزیوں اور پھلوں کی دستیابی ، قمیتوں اور ریکارڈ کو چیک کیا ۔
انہوں نے سیکر ٹری مارکیٹ کمیٹی کو تاکید کی کہ بو لیوں کے اوقات میں موقع پر مو جودہ رہ کر تمام تر کاروائی کو مانیٹر کیا جائے اور اس امر کو یقینی بنایا جائے کہ کسی شے کی قمیت بے جا اضافہ نہ ہو ۔انہوں نے عوامی طلب کی بنیاد ی اشیاءکی دستیابی ، معیار اور بولی کو بھی چیک کیا انہوں نے کورونا ایس اوپیز پر عملدر آمد کا جائزہ لیتے ہوئے واضح کیا کہ فیس ماسک کے بغیر کوئی شخص موجود نہیں ہونا چاہیے اس ضمن میں کڑی چیکنگ کی جائے۔
ا نہوں نے کہا کہ وزیراعظم پاکستان عمران خان اور وزیراعلیٰ پنجاب عثمان بزدار کی ہدایت پر سبزیوں و پھلوں کی قیمتوں کو عوام الناس کو براہ راست ریلیف پہنچانے کیلئے کنٹرول کیا جا رہا ہے اورمنڈی میں نیلامی کے عمل کی مسلسل مانیٹرنگ کی جا رہی ہے یہی وجہ ہے کہ تمام سبزیوں اور پھلوں کی قیمتوں کو حکومت کے مقرر کردہ نرخوں پرعملدرآمد کروایا جا رہا ہے جس کے ثمرات عوام تک پہنچ رہے ہیں۔
