منڈی بہاءالدین اور اسکے گردونواحمیں گرج چمک کیساتھ موسلادھار بارش اور ژالہ باری سے سردی کی شدت میں پھر اضافہ ہو گیا. بارش کا یہ سلسلہ کل تک جاری رہنے کا امکان ہے.
منڈی بہاءالدین (ایم.بی.ڈین نیوز 6 مارچ 2022) منڈی بہاءالدین اور اسکے گردونواحمیں گرج چمک کیساتھ موسلادھار بارش اور ژالہ باری سے سردی کی شدت میں پھر اضافہ ہو گیا. محکہ موسمیات کے مطابق منڈی بہاءالدین میں بارش کا یہ سلسلہ کل تک جاری رہنے کا امکان ہے.
محکمہ موسمیات کے مطابق مری، راولپنڈی، اسلام آباد، جہلم، کھاریاں، گجرات، منڈی بہاؤالدین، گوجرانوالہ، پنڈی بھٹیاں، حافظ آباد، شیخوپورہ، لاہور، نارووال، ڈسکہ، سیالکوٹ، شکرگڑھ سمیت شمالی اور شمال مشرقی پنجاب کے بیشتر علاقوں میں ہلکی سے معتدل بارش کا امکان ہے ۔
مظفرآباد، باغ، وادی نیلم، بالاکوٹ، راولاکوٹ، گھڑی دوپٹہ، حویلی، کوٹلی، پونچھ، میرپور، بھمبر، چھمب سمیت آزاد کشمیر کے بیشتر علاقوں میں اچھی بارش اور بلند پہاڑوں پر برفباری کا امکان ہے ۔مغربی ہواؤں کا بارش برسانے والا نیا اور اچھا سلسلہ 6 اور 7 مارچ کے دوران بلوچستان، خیبرپختونخوا، گلگت بلتستان، آزاد کشمیر، بالائی اور مغربی پنجاب کے مختلف علاقوں میں تیز ہواؤں اور گرج چمک کے ساتھ مزید بارش کا سبب بنے گا ۔
