منڈی بہاوالدین کے نواحی گاؤں بگا پمپ پر نجی آئل فیکٹری کی بدبو اور کچرا نما کیمکل سے تنگ آکر گاؤں کے لوگوں کا فیکٹری کیخلاف احتجاجی مظاہرہ ۔ نجی فیکٹری سے نکلنے والے گرد آلود دھوئیں سے مختلف بیماریاں پھیلنے کا خدشہ ہے،وزیر اعلی پنجاب عثمان بزدار و ڈپٹی کمشنر منڈی بہاؤالدین طارق علی بسرا سے نوٹس لینے کا مطالبہ
منڈی بہاوالدین (ایم.بی.ڈین نیوز 12 جولائی 2021) منڈی بہاوالدین کے نواحی گاؤں بگا پمپ کی عوام کا عرصہ تین چار سال سے واقع بگا پمپ گاؤں میں نجی آئل فیکٹری کے خلاف گاؤں کے لوگوں نے احتجاج کرتے ہوئے کہا کے اس فیکٹری سے نکلنے والا گرد آلود جانوروں کا گند گاؤں میں رہنے والے لوگوں اور مال مویشی میں مختلف بیماریاں پھیلا رہا ہے۔جس سے بگا پمپ کی عوام شدید متاثر ہے ہماری ڈپٹی کمشنر منڈی بہاﺅالدین طارق علی بسرا ،وزیر اعلی پنجاب عثمان بزدار و افسران بالا سے اپیل ہے کے اس فیکٹری کو کسی دوسری جگہ منتقل کروایا جائے ،تاکہ بگا پمپ کے رہائشی اس فیکٹری سے مختلف بیماریاں پھیلنے سے محفوظ رہ سکیں۔
مزید انکا کہنا ہے ضلعی انتظامیہ کو متعدد بار درخواست دے چکے ہیں، جس سے آج تک کوئی کاروائی نہ ہوسکی اگر انتظامیہ نے بروقت ایکشن نہ لیا تو سڑکیں اور ڈپٹی کمشنر آفس کے سامنے بھر پور احتجاجی مظاہرہ کریں گے ۔جب تک فیکٹری کو بند نہیں کیا جاتا اس وقت تک احتجاج جاری رہے گا۔ لوگوں کا کہنا ہے کہ یہ فیکٹری چربی اور انتڑیوں سے گھی تیار کر رہی ہے۔ ان کا تیار کردہ گھی بھی انتہائی ناقص اور مضر صحت ہے۔ متعلقہ محکموں کو نوٹس لے کر اس فیکٹری کو فوری بند کروانا چاہیے۔
