ملک بھر کی طرح ضلع منڈی بہاءالدین میں بھی یوم تکبیرکے حوالے سے تقریبات قومی جوش و جذبے سے منعقد کی گئی۔ ضلعی انتظامیہ اور محکمہ تعلیم کے زیراہتمام پروقار تقریبات کا انعقاد کیا گیا۔
منڈی بہاءالدین ( ایم.بی.ڈین نیوز 28 مئی 2025) اس موقع پرپرچم کشائی کی گئی اورقومی ترانہ پڑھا گیا۔ اس موقع پر اسسٹنٹ کمشنر پھالیہ وحید حسن گوندل اور دیگر مقررین کا خطاب کرتے ہوئے کہنا تھا کہ یوم تکبیر کی بدولت پاکستان نے ایٹمی ملک کادرجہ حاصل کیا، اس دن پاکستان ایک ناقابل تسخیراور پرامن ملک کے طور پراقوام عالم میں ابھرا۔
ان کا کہنا تھا کہ طلباء اپنے اسلاف کی پیروی کرتے ہوئے پاکستان کی بقاء ،سربلندی اور سالمیت کے لیے تعلیمی میدان میں کامیابی حاصل کریں۔ بعد ازاں اسسٹنٹ کمشنر کی سربراہی میں تحصیل آفس سے مین بازار تک ریلی بھی منعقد کی گئی، جس میں افسران، سول سوسائٹی اور نجمن تاجران کے نمائندگان سمیت طلباء نے بھی شرکت کی۔
