پنجاب حکومت نے زائد کرایہ وصول کرنے والے ٹرانسپورٹرز پر 23 لاکھ روپے سے زائد کے جرمانے عائد کر دیئے۔ وزیراعلیٰ پنجاب مریم نواز کی زیر نگرانی زائد کرایہ وصول کرنے والے ٹرانسپورٹرز کے خلاف کارروائی کی گئی۔
کارروائیوں کے دوران 1.1 ملین روپے مسافروں کو واپس کیے گئے۔ جب کہ زائد کرایہ وصول کرنے والے ٹرانسپورٹرز پر 23 لاکھ روپے سے زائد کے جرمانے عائد کیے گئے۔ پنجاب حکومت نے 1333 سے زائد گاڑیوں کے اوور چارجنگ پر چالان جاری کر دیئے۔ اور زائد کرایہ وصول کرنے پر 264 گاڑیوں کو روک دیا گیا۔
محکمہ ٹرانسپورٹ پنجاب کے ملازمین اور افسران کی عید کی چھٹیاں منسوخ کر دی گئیں۔ اور عید کے دنوں میں محکمہ ٹرانسپورٹ کا خصوصی دستہ بڑے بس سٹینڈز پر موجود رہے گا۔ لاہور، چنیوٹ، فیصل آباد، جھنگ اور گوجرانوالہ میں زائد کرایہ وصول کرنے والوں کے خلاف کارروائیاں کی گئیں۔ گجرات، حافظ آباد، منڈی بہاؤالدین، نارووال، سیالکوٹ اور دیگر شہروں میں کارروائیاں کی گئیں۔
وزیراعلیٰ پنجاب مریم نواز نے ٹرانسپورٹرز کے خلاف کارروائی پر ڈپٹی کمشنرز، پولیس اور روڈ ٹرانسپورٹ اتھارٹی کے افسران اور عملے کو شاباش دی۔ جبکہ عوام سے اپیل ہے کہ وہ صرف مقررہ کرایہ ادا کریں۔ مریم نواز نے کہا کہ کرایہ کی رسیدیں گاڑیوں اور ٹرانسپورٹ ہب پر نمایاں طور پر آویزاں کی جائیں۔
