محکمہ زراعت توسیع منڈی بہاءالدین کے زیر اہتمام وزیراعلیٰ پنجاب گرین ٹریکٹر سکیم کے تحت کاشتکاروں میں ٹریکٹرز تقسیم کرنے کی تقریب کا ضلع کونسل ہال میں انعقاد.
ممبر قومی اسمبلی ناصر اقبال بوسال ، ممبر صوبائی اسمبلی حمیدہ وحید الدین اور ایڈیشنل ڈپٹی کمشنر ریونیو لیفٹیننٹ ریٹائرڈ محمد احمد ظہیر نے ٹریکٹرز تقسیم کئے.
منڈی بہاءالدین: ممبر قومی اسمبلی ناصر اقبال بوسال کا وزیراعلیٰ پنجاب گرین ٹریکٹر سکیم کے تحت کاشتکاروں میں ٹریکٹرز تقسیم کرنے کی تقریب سے خطاب کرتے ہوئے کہنا تھا کہ وزیراعلیٰ پنجاب مریم نواز شریف کاشتکاروں کی فلاح وبہبود کیلئے دن رات کوشاں ہیں، زرعی شعبے کی ترقی اور فروغ کیلئے انقلابی اقدامات اور تبدیلیاں لائی جا رہی ہیں.
ان کا کہنا تھا کہ وزیراعلیٰ پنجاب گرین ٹریکٹر سکیم کے تحت ساڑھے 12 ایکڑ سے زائد گندم کاشت کرنے والے کاشتکاروں میں قرعہ اندازی کرنے والے کسانوں میں 16 ٹریکٹرز تقسیم کئے جا رہے ہی۔ ان کا کہنا تھا کہ موجودہ حکومت کا عزم ہے کہ کسانوں کی معاشی ترقی اور استحکام کے لیے زیادہ سے زیادہ ہر ممکن اقدامات اٹھائے جا رہے ہیں جس کے دو رس نتائج برآمدہو رہے ہیں۔
ان کا کہنا تھا کہ جیتنے والے کاشت کار ان ٹریکٹروں کے استعمال سے اپنی کاشتکاری بہتر کرتے ہوئے فصلوں کی اوسط پیداوار میں کئی گنا اضافہ کر کے ملکی خوشحالی میں اپنا کردار ادا کریں گے۔
