سوشل میڈیا پر فیک آئی ڈیز بنا کر شہریوں سے پیسے بٹورنے والوں کی وارداتوں میں دن بدن اضافہ ہوتا جارہا ہے۔ منڈی بہاوالدین میانوال رانجھا کی سیاسی وسماجی وکاروباری شخصیت فاروق احمد رانجھا اونر حمزہ پولٹری فارم میانوال رانجھا بھی ان نوسر بازوں کے ہتھے چڑھ گئے اور اپنے اکاؤنٹ سے ساڑھے تین لاکھ ٹرانسفر کر دیے۔ ساڑھے تین لاکھ ٹرانسفر کرنے کے بعد پتہ چلا کہ وہ ائی ڈی ان کے کسی جاننے والے کی تھی ہی نہیں۔
منڈی بہاءالدین (راجہ منصور احمد ) سماجی رابطوں کی ویب سائٹس پر شہریوں کی جعلی آئی ڈیز بنا کر ان کے قریبی افراد سے پیسے بٹورنے کے واقعات میں روز بروز اضافہ ہورہا ہے۔ فاروق احمد رانجھا نے میڈیا سے گفتگو کرتے ہوئے بتایا کہ ملزم نے فیس بک پر ہمارے دوست کے نام سے جعلی آئی ڈی بنا رکھی ہے۔ اس کی اصل آئی ڈی سے فوٹو چوری کرکے جعلی آئی ڈی پر لگائی گئی ہے۔
جعلی آئی ڈی پہلے فرینڈ ریکوئسٹ سینڈ کی اور بعد میں اپنی پریشانی کا ذکر کرکے ساڑھے تین لاکھ رقم کا مطالبہ کیا اور اگلے روز واپس کرنے کا وعدہ کیا۔ میں نے بغیر کوئی جانچ پڑتال کیے بغیر ساڑھے تین لاکھ اپنے اکاؤنٹ سے اس کے بتائے ہوئے اکاؤنٹ میں ٹرانسفر کر دیا۔ ایک روز بعد پتہ چل وہ آئی ڈی اس کی نہیں ہے فیک ہے۔
فاروق احمد رانجھا کا حکومت پاکستان، ایف آئی اے سائبر کرائم و سرکاری اداروں سے درخواست ہے فیک آئی ڈی چلانے والوں کے خلاف سخت ایکشن لیا جائے انکے خلاف کارروائی کی جائے۔ تمام جعلی آئی ڈیز کا ڈیٹا حاصل کریں۔ آئی ٹی ایکسپرٹس کی بھی مدد لی جائے جبکہ مختلف جدید وسائل استعمال کرکے اس جرم کے پیچھے موجود افراد کی لوکیشن حاصل کی جائے گی تاکہ متعلقہ علاقوں میں چھاپے مار کر جرائم پیشہ افراد کو گرفتار کیا جاسکے۔
اس حوالے سے فیس بک اور سماجی رابطوں کی دوسری ویب سائٹس کو سرکاری سطح پر تحریری طور پر آگاہ کیا جائے گا تاکہ مین سرور سے بھی معلومات تک رسائی حاصل رپورٹ راجہ منصور احمد ڈسٹرکٹ بیورو چیف بولتا پنجاب نیوز منڈی بہاؤالدین
