پاہڑیانوالی بازار تشدد کیس کی صلح۔معززین علاقہ کی مداخلت پر مدعی مقدمہ ناظم میکن نے رضائے الہی کی خاطر ملزمان کو معاف کردیا
منڈی بہاوالدین ( ایم.بی.ڈین نیوز 8 جون 2021) چند روز قبل پاہڑیانوالی بازار میں تشدد کی ایک ویڈیو سوشل میڈیا پر وائرل ہوئی تھی جس پر ڈی پی او منڈی بہاوالدین نے فورا نوٹس لیتے ہوئے ایس ایچ او پاہڑیانوالی کو فوری مقدمہ کے اندراج اور ملزمان کی گرفتاری کا حکم دیا تھا بعدازاں یہ خبر الیکٹرانک میڈیا کی زینت بنی جس پر آئی جی پنجاب نے نوٹس لیتے ہوئے آر پی او گوجرانوالہ سے واقعہ کی رپورٹ طلب کی تھی۔خوش قسمتی سے معززین علاقہ نے مداخلت کرکے اس آگ پر بروقت قابو پالیا ہے اور دونوں خاندانوں کے درمیان صلح کروا دی ہے۔
آج ملزم فریق نے لسوڑی کلاں جاکر ناظم میکن سے معافی مانگی جس پر ناظم میکن وغیرہ نے بے لوث معاف کردیا۔سید ریاض حسین بخاری مرزا محمد انور چوہدری حسنین مشتاق گوندل چوہدری عاشق حسین چوہدری ساجد محمود شیخو چوہدری محمد ارشد بوسال و دیگر معززین کا اس صلح میں اہم کردار ہے.
