ڈپٹی کمشنر تسنیم علی خاں کی ہدایت پر سی او میونسپل کمیٹی احمد وقار بھٹی نے تجاوزات کے خلاف آپریشن کرتے ہوئے بی ایچ یو سوہاوہ کے ساتھ غیر قانونی تعمیرات کو مسمار کرتے ہوئے ذمہ داران کے خلاف ایف آئی آر درج کرواکر ایک شخص کو حوالہ پولیس کر دیا۔
منڈی بہاﺅالدین( ایم.بی.ڈین نیوز 09 جنوری 2023) اس موقع پر ان کا کہنا تھا کہ ناجائز تجاوزات میں ملوث عناصر اور ان کی سرپرستی کرنے والوں سے ضلعی انتظامیہ سختی سے نپٹے گی ۔ حکومت کی واضح ہدایات ہیں کہ سرکاری اراضی اور املاک پر قبضہ کسی صورت برداشت نہ کیا جائے ۔ضلعی افسران تجاوزات اور ناجائز قابضین کے خلاف بھر پور حکمت عملی سے بلا خوف کارروائیاں جاری رکھے ہوئے ہیں۔
ان کا کہنا تھا کہ کسی کے دباﺅ میں آئے بغیر میرٹ پر شہر کے اہم چوراہوں ، سڑکوں اور بازاروں میں تجاوزات کے خلاف آپریشن جاری رکھا جائے گا۔ انہوں نے کہا کہ تجاوزات کی وجہ سے شہریوں کو مشکلات کا سامنا ہے ۔ ناجائز قابضین اور تجاوزات کے خلاف آگاہی مہم کے ذریعے عوام الناس کا انتظامیہ کیلئے تعاون حاصل کر کے مہم کو کامیاب بنایا جائے گا۔
