حکومت پنجاب کی جانب سے ضلع منڈی بہاوالدین میں بھی مریم کی دستک کا آغاز کر دیا گیا ، جس کے تحت 70 سے زائد سرکاری خدمات اب آپ کو گھر کی دہلیز پرمیسر ہوں گی۔
منڈی بہاءالدین( ایم.بی.ڈین نیوز 26دسمبر 2024) مریم کی دستک پنجاب حکومت کاایک انقلابی اقدام ہے، جس کا آغاز 4 جون 2024کو لاہور سے کیا گیا تھا اور اب اس کا دائرہ کار مرحلہ وار پنجاب بھر کے تمام اضلاع میں کر دیا گیا ہے۔
ضلع منڈی بہاوالدین کے شہری بھی اب گھر بیٹھے ڈومیسائل، پولیس کریکٹر سرٹیفکیٹ،برتھ سرٹیفکیٹ، ڈیتھ سرٹیفکیٹ، میرج سرٹیفکیٹ، طلاق سرٹیفکیٹ،معذوری سرٹیفکیٹ، ای سٹیمپنگ، پراپرٹی ٹیکس، ٹوکن ٹیکس، لرنر ڈرائیونگ لائسنس، موٹر وہیکل ملکیت کی منتقلی،ایف آئی آر کی کاپی، ٹریفک چالان،کرایہ دار کی رجسٹریشن، نئی گاڑی کی رجسٹر یشن سمیت 70 سے زائد سرکاری خدمات حاصل کر سکتے ہیں۔
گھر بیٹھے سروس حاصل کرنے کیلئے موبائل پر دستک ایپ ڈاون لوڈ کریں یا ہیلپ لائن 1202 پر کال ملائیں۔ نمائندہ گھر آ کر متعلقہ ڈاکیومنٹس لے کر آپ کو مطلوبہ سروسز فراہم کرے گا۔
