ملک وال(نامہ نگار) گیپکو اربن سب ڈویژن ملکوال کے بیشتر فیڈرز پر افسران نے ناتجربہ کار اسسٹنٹ لائن مینز کو لائن سپرنٹینڈنٹ تعینات کر رکھا ہےجس سے فنی خرابی، بارش اور تیز ہوائیں چلنے کے نام پر بجلی کی طویل غیر اعلانیہ بندش معمول بن چکا ہے جبکہ شدید گرمی اور حبس کے موسم میں شہری بجلی کے تعطل پر پریشان ہیں شہریوں نے گیپکو چیف سے نوٹس لینے کا مطالبہ کیا ہے.
شہریوں نے الزام عائد کیا کہ سب ڈویژن اربن ملکوال کی مقامی انتظامیہ نے بیشتر فیڈرز پر اسسٹنٹ لائن مینز کو لائن سپریٹینڈنٹ تعینات کر رکھا ہے جس کی وجہ سے 8/9گھنٹے کی بجلی کی بندش معمول بن گیا ہے شہریوں نے گیپکو چیف سے نوٹس لے کر تجربہ کار ایل ایس تعینات کرنے کا مطالبہ کیا ہے. یاد رہے گذشتہ روز بھی میانی فیڈر کی بجلی صبح پانچ بجے بند ہوئی جس سے موضع چک سیدا بالا۔نواں لوک ۔چک سیدا زیریں ۔چک نظام ۔رائے پور۔مڈھ پرگنہ۔کلس شریف۔بولا بالا ۔بولازیریں سمیت دیگر علاقوں کی بجلی ساڑھے 9 گھنٹے بند رہی .
رابطہ کرنے پر گیپکو انتظامیہ نے کہا کہ لائن میں فنی خرابی ہے یاد رہے کہ یہ فنی خرابی ساڑھے نو گھنٹے بعد ٹھیک کرکے بجلی بحال کی گئی متاثرہ علاقوں کے لوگوں نے چیف ایگزیکٹو گیپکو سے صورتحال کا نوٹس لینے کا مطالبہ کیا ہے
