منڈی بہاوالدین( ایم.بی.ڈین نیوز 21 مارچ 2022) ڈسٹرکٹ الیکشن کمشنر یاسر حمید نے بتایا ہے کہ سیاسی جماعتوں سے الگ ہو کر الیکشن میں حصہ لینے کے لئے گروپ /پینل بنا کر حصہ لیں گے۔ جس کو الیکٹورل گروپ کا نام دیا گیا ہے۔
گروپ میں چیئرمین، وائس چیئر مین اور انکے پانچ جنرل کونسلر اور پانچ مخصوص نشستیں ہوں گی۔جن کیلئے گروپ بنانے کے لئے کم از کم بارہ لوگ درکار ہوں گے۔ گروپ بناتے وقت ان کی تعداد بارہ سے اوپر جتنی مرضی رکھی جاسکتی ہے۔ ہر ممبر کے لئے ایک ہزار روپے سرکاری فیس بینک میں جمع کروانا لازمی ہے۔
انہوں نے بتایا کہ چیئرمین اور وائس چیئرمین کے لئے ایف اے تعلیم لازمی ہے۔ انہوں نے مزید بتایا کہ منڈی کے لئے گروپ بنانے کے لئے فارم ڈسٹرکٹ کونسل ہال جبکہ تحصیل پھالیہ اور ملکوال کے لئے میونسپل کمیٹی کے دفاترز سے وصول کئے جا سکتے ہیں اور 24 مارچ تا 28 مارچ تک یہ فارم مقررہ دفاتر میں جمع کروائیں جائیں گے ۔
