منڈی بہاءالدین میں عید الفطر کے موقع پر خصوصی بچوں میں عید بیگ گفٹ تقسیم

منڈی بہاءالدین(ایم.بی.ڈین نیوز 24 مارچ 2025) وزیراعلی پنجاب مریم نواز شریف کی خصوصی ہدایت پر عید الفطر کے موقع پر صوبہ بھر کی طرح ضلع منڈی بہاءالدین میں بھی سپیشل بچوں میں عید بیگ گفٹس تقسیم کئے گئے۔

تفصیلات کے مطابق وزیراعلی پنجاب مریم نواز شریف کی خصوصی ہدایت اور ڈپٹی کمشنر ڈاکٹر فیصل سلیم کی زیر نگرانی اسسٹنٹ کمشنرز نے ضلع کی تینوں تحصیلوں منڈی بہاءالدین، پھالیہ اور ملکوال میں گورنمنٹ سپیشل ایجوکیشن سنٹرز اور سلولرنر سکول منڈی بہاءالدین کے خصوصی بچوں میں عید بیگ گفٹس تقسیم کئے۔

عید بیگز تقسیم کے موقع پر شفقت اور محبت بھرے لمحات دیکھنے کو ملے۔ سپیشل بچوں کو وزیراعلی پنجاب مریم نوازشریف کی طرف سے عید مبارک کا تحریری پیغام بھی پڑھ کر سنایا گیا۔

اس موقع پر گورنمنٹ انسٹیٹیوٹ فار سلولرنر منڈی بہاءالدین قرۃ العین، پرنسپل گورنمنٹ سپیشل ایجوکیشن سنٹر منڈی بہاءالدین منیر حسین، پرنسپل گورنمنٹ سپیشل ایجوکیشن سنٹر پھالیہ عامر فیض، پرنسپل گورنمنٹ سپیشل ایجوکیشن سنٹر ملکوال صوبیہ بخاری سمیت ڈپٹی ڈسٹرکٹ ایجوکیشن آفیسرز اسلم نسیم اور اکرام اللہ بھی موجود تھے۔

ڈپٹی کمشنر ڈاکٹر فیصل سلیم کا کہنا تھا کہ وزیر اعلی پنجاب مریم نواز شریف کی جانب سے ضلع کی تینوں تحصیلوں میں سپیشل ایجوکیشن سنٹرز کے بچوں میں عید گفٹس تقسیم کئے جا رہے ہیں، خصوصی بچوں کو عید گفٹس دے کر خوشیوں میں شریک کرنا چاہتے ہیں۔

ڈپٹی کمشنر کا کہنا تھا کہ سپیشل بچوں کو خوش دیکھنا بڑی عبادت ہے۔ اس موقع پر وزیراعلی پنجاب مریم نواز شریف کی جانب سے تعلیم و تربیت پر خصوصی توجہ دینے اور عید گفٹس ملنے پر سپیشل بچوں نے پیار بھرے انداز میں وزیراعلی مریم نواز شریف کا شکریہ ادا کیا۔