ایڈیشنل ڈپٹی کمشنر ریونیو ذوالفقار احمد کی زیر صدارت ڈی سی آفس میں ضلعی بہبود فنڈ بورڈ کا اجلاس منعقد ہوا۔ جس میں پنجاب حکومت کے حاضر سروس، ریٹائرڈ اور وفات پا جانے والے سرکاری ملازمین اور ان کے اہل خانہ کی مالی امداد کیلئے مختلف مدات جن میں شادی گرانٹ، کفن دفن اور سکالر شپ کے چیکس تقسیم کئے گئے ۔
منڈی بہاﺅالدین ( ایم.بی.ڈین نیوز 11مارچ 2023) تفصیلات کے مطابق شادی گرانٹ کے53 چیکس جن کی کل مالیت 28 لاکھ 40 ہزار روپے ہے، اسی طرح تدفین گرانٹ کے 96 چیک جن کی کل مالیت 33 لاکھ 60 ہزار روپے ہے جبکہ سکالر شپ کا ایک چیک جس کی مالیت 50 ہزار روپے ہے۔
اس موقع پر ایڈیشنل ڈپٹی کمشنر کا کہنا تھا کہ سرکاری ملازمین حکومت کا قیمتی اثاثہ ہیں اور ان کی اور ان کے اہل و عیال کی بر وقت امداد ایک فرض ہے، جس کی ادائیگی فوری ہونی چاہیئے۔ ان کا کہنا تھا کہ چیکس کی تقسیم حقداران تک شفاف انداز میں بر وقت ہونی چاہیئے تا کہ سرکاری ملازمین اور ان کے اہل خانہ کی مالی مشکلات میں کسی حد تک کمی لائی جا سکے۔
