تحریک انصاف کے مرکزی صدر پرویزالٰہی کے گھر پر پولیس چھاپے کے خلاف ظہورالٰہی روڑ پر احتجاجی مظاہرہ کیاگیا۔ مظاہرے میں گجرات، منڈی بہاؤالدین، راولپنڈی، گوجرانوالہ، سیالکوٹ، فیصل آباد، قصور، ساہیوال، اوکاڑہ، شیخوپورہ، ملتان، جہلم سمیت مختلف اضلاع سے کارکنوں نے شرکت کی
شرکا نے پرویزالٰہی کے ساتھ اظہار یکجہتی کیا،سابق ارکان قومی و صوبائی اسمبلی، سابق چیئرمین اور مختلف شعبہ زندگی سے تعلق رکھنے والی شخصیات نے پرویزالٰہی کی رہائش گاہ پر اینٹی کرپشن اور پنجاب پولیس کی جانب سے غیر قانونی چھاپے کی مذمت کی
مظاہرے میں گجرات، منڈی بہاؤالدین، راولپنڈی، گوجرانوالہ، سیالکوٹ، فیصل آباد، قصور، ساہیوال، اوکاڑہ، شیخوپورہ، ملتان، جہلم سمیت مختلف اضلاع سے کارکنوں نے شرکت کی۔ احتجاج کرنے والوں میں سابق ارکان اسمبلی قمر حیات کاٹھیا، عارف محمود گل، وقاص موکل، ذوالفقار گھمن، مہر کاشف شامل تھے ۔
زبیر احمد خان ، زین علی بھٹی، عبدالرشید ، معین الحق ، صدف بٹ، خرم منور ، عامر ندیم ، آصف بھٹی بھی احتجاج میں شریک ہوئے ،شرکا کی جانب سے پرویزالٰہی اور مونس الٰہی زندہ باد کے نعرے لگائے گئے ،پنجاب نگران حکومت مردہ باد، غیر قانونی گرفتاریوں اور توڑ پھوڑ کو قابل مذمت قرار دیا گیا۔
شرکا کاکہناتھاکہ پرویزالٰہی نے ہمیشہ عوام کی فلاح و بہبود کیلئے کام کئے ،ریسکیو 1122، پولیس اہلکاروں کی تنخواہوں اور شہدا کے خاندانوں کیلئے فنڈز میں اضافہ کیا ،حکومت کے انتقامی اقدامات قابل مذمت ہیں ۔
