منڈی بہاوالدین(نامہ نگار)ڈسڑکٹ پولیس آفیسر رضا صفدر کاظمی نے تھانہ سول لائن کے علاقہ میں ڈاکووں کی فائرنگ سے شہید ہونے والے کانسٹیبل راشد محمود کی والدہ اور بیوہ کو بچوں کی کفالت اور پرورش کیلئے 40 لاکھ روپے کا چیک پیش کیا.
ڈسڑکٹ پولیس آفیسر رضا صفدر کاظمی کا کہنا تھا کہ آئی پولیس پنجاب کی جانب سے اس سے قبل شہید کانسٹیبل راشد محمود کی والدہ اور بیوہ کو ایک کروڑ 35 لاکھ روپے کا مکان خریدکردیا گیا تھا، انہوں نے کہا کہ محکمہ پولیس کے شہداء محکمہ کے ماتھے کا جھومر ہیں اور ان شہدا کی وجہ سے ہماری فورس کا مورال بلند ہے.
یہ بھی پڑھیں: محکمہ پولیس نے شہید کنسٹیبل کے ورثاء کو نیا گھر خرید کر دے دیا
ڈی پی او رضا صفدر کاظمی نے کہا کہ شہدا کی فیملی کی نگہداشت کرنا ہمارا فرض ہے اور ان کے بچوں کی تعلیم و تربیت کیلئے محکمہ پولیس نے ٹھوس اقدامات کئے ہیں، ڈی پی او رضا صفدر کاظمی نے شہید کانسٹیبل کی والدہ کو 40 لاکھ کا چیک پیش کیا اور بچوں کو پیار کرتے ہوئے ان کے ساتھ گھل مل گئے.
