ڈائریکٹر جنرل اینٹی کرپشن پنجاب کے احکامات اور ریجنل ڈائریکٹر اینٹی کرپشن اسٹیبلشمنٹ گوجرانوالہ ریجن گوجرانوالہ کی ہدایت پر سرکل آفیسر اینٹی کرپشن کی کرپشن کے خلاف کامیاب کاروائی، ریڈر ذوالفقار شاہ اور ماجد عارف رنگے ہاتھوں رشوت وصولی پر گرفتار
تفصیلات کے مطابق درخواست گزار ساجد محمود ولد بشیر احمد سکنہ مونگ نے اینٹی کرپشن میں درخواست دی کہ میں کاشتکاری کرتا ہوں، سائل کی تقسیم رانا طارق، نائب تحصیلدار منڈی بہاءالدین کے پاس زیر سماعت ہے، سائل کا حلقہ مونگ ہے، سائل کی تقسیم کے معاملے پر ریڈر ذوالفقار شاہ نے دس ہزار روپے رشوت طلب کی ہے جو کہ سائل دینا نہیں چاہتا ہے اور ریڈر کو رشوت طلبی پر گرفتار کروانا چاہتا ہے۔
اینٹی کرپشن منڈی بہاءالدین نے 680 کنال کی زمین واگزار کروالی
جس پر سرکل انچارج عمران الحق نے اپنی ٹیم کے ہمراہ کامیاب کاروائی کر کے ذوالفقار علی شاہ اور ماجد عارف ولد عارف کو نشان زدہ نوٹوں سمیت گرفتار کر لیا اور ایف آئی کا اندراج کروا دیا۔ اس موقع پر سرکل آفیسر اینٹی کرپشن مرزا عمران الحق کا کہنا تھا کہ حکومتی ہدایت کے مطابق کرپشن کے خلاف زیرو ٹالرنس ہے۔
سرکل افیسر اینٹی کرپشن نے پختہ عزم کا اظہار کرتے ہوئے کہا کہ اینٹی کرپشن اس کیس کی بھرپور پیروی کر کے ملزمان کو قرار واقعی سزا دلوائے گا۔ شہریوں کی کثیر تعداد نے کرپٹ عناصر کے خلاف کاروائیوں پر اینٹی کرپشن افسران کو خراج تحسین پیش کرتے ہوئے اس امید کا اظہار کیا ہے کہ محکمہ اینٹی کرپشن کی کاروائیوں سے کرپشن میں کمی واقع ہوگی۔
