پاکستان میں مون سون کی شدید بارشوں اور برفانی جھیلوں کے پھٹنے سے آنے والے تباہ کن سیلاب کے دوران، ہیلپنگ ہینڈ فار ریلیف اینڈ ڈویلپمنٹ (HHRD) نے خیبر پختونخوا، پنجاب، گلگت، وادی نیلم اور آزاد جموں و کشمیر کے 20 اضلاع میں 70,000 سے زیادہ متاثرین کو امداد فراہم کی۔
حالیہ ریلیف آپریشن میں ہیلپنگ ہینڈ فار ریلیف اینڈ ڈویلپمنٹ کی کاررکردگی کا جائزہ پیش کرتے ہوئے ڈائریکٹر آپریشنز ساجد علی چھدڑ کے بتایا کہ ایچ ایچ آر ڈی کے رضاکاروں نے متاثرہ خاندانوں میں 835 خشک راشن پیک، 83,919 پینے کے پانی کی بوتلیں، 22,263 تیار کھانے، 230 حفظان صحت کٹس، 249 جیری کین، 220 کمیونٹی پیک اور بچوں کے لیے 573 “سمائل باکسز” تقسیم کیے۔
اس دوران 9 ہزار 738 متاثرین کو طبی امداد فراہم کی گئی جبکہ متاثرہ اضلاع میں 48 واٹر فلٹرز بھی فراہم کیے گئے۔
ان کا مزید کہنا تھا کہ سیلاب سے متاثرہ اضلاع میں سیالکوٹ، سرگودھا، گجرات، منڈی بہاؤالدین، قصور، لاہور، جھنگ، نارووال، اوکاڑہ، بہاولنگر، ملتان، علی پور، جلال پور پیر والا، بورے والا، بونیر، سوات، مانسہرہ، چکوال، راولپنڈی، نیلم ویلی اور آزاد کشمیر، جموں و کشمیر کے اضلاع شامل ہیں۔ انہوں نے کہا کہ جھنگ میں کشتیوں پر انوکھا میڈیکل کیمپ لگایا گیا جبکہ لاہور کے قریب خیمہ بستی بھی لگائی گئی۔
