وزیرِاعلیٰ پنجاب چوہدری پرویزالہٰی نے منڈی بہائوالدین کی سیاسی و سماجی شخصیت صدام حسین بوسال کی بطور وائس چیئرمین وزیرِ اعلیٰ شکایات سیل منڈی بہائوالدین نامزدگی کا نوٹیفکیشن جاری کر دیا ہے۔
منڈی بہاﺅالدین( ایم.بی.ڈین نیوز 18نومبر 2022) صدام حسین بوسال نے اپنے عہدے کا چارج سنبھالنے کے بعد گفتگو کرتے ہوئے کہا کہ میں وزیرِ اعلیٰ پنجاب چوہدری پرویز الٰہی کا شکریہ ادا کرتا ہوں کہ انہوں نے اعتماد کا اظہار کرتے ہوئے مجھ پر انتہائی اہم ذمہ داری سونپی ہے۔ میں یقین دلاتا ہوں کہ پوری لگن، محنت اور ایمانداری کے ساتھ اس ذمہ داری پر پورا اتروں گا اور علاقہ کی بہتری اور ترقی کے لیے ہمیشہ اپنا مثبت کردار ادا کر وں گا۔
یہ بھی پڑھیں: چوہدری محمد اشرف چئیرمین اوورسیز پاکستانی کمیٹی منڈی بہاءالدین تعینات
انہوں نے کہا کہ وزیراعلیٰ پنجاب چوہدری پرویز الٰہی جمہوری روایات کے فروغ، قومی اداروں کے استحقام اور عوامی خدمت پر یقین رکھتے ہیں۔ کرپشن کا خاتمہ اور کرپٹ عناصر کا احتساب چوہدری پرویز الٰہی کا مشن ہے اور میں اس عزم کا اعادہ کرتا ہوں کہ وزیراعلیٰ کے ویژن اور مشن کو ساتھ لے کر اپنی تمام تر ذمہ داریاں احسن طریقے سے سر انجام دوں گا اور ماورائے قانون کسی بھی فعل یا اقدام کو ہر گز قبول نہیں کیا جائے گا۔
انہوں نے مزید کہا کہ میری کوشش ہوگی کہ عوام کو حقوق فراہم کرنے کے ساتھ ساتھ ان کے بروقت حل کے لیے اپنا بھر پور کردار ادا کر وں۔ منڈی بہائوالدین کے عوام کے مسائل اور مشکلات جاننے کے لیے میرے آفس کے دروازے بلاتفریق سب کے لیے ہمہ وقت کھلے رہیں گے اورعوامی مسائل کے حل کے لیے فوری اقدامات کے احکامات بھی جاری کئے جائیں گے۔
وائس چیئرمین وزیرِ اعلیٰ شکایات سیل صدام حسین بوسال نے کہا کہ ماضی میں یہ وطیرہ رہا ہے کہ اشرافیہ کو تمام سہولیات دستیاب رہیں جبکہ عام آدمی بنیادی سہولیات سے محروم رہا۔اب میرے آفس میں یہ نظام نہیں چلے گا، امیر اور غریب کی تفریق کو ختم کر کے عام آدمی کو ریلیف فراہم کرنے کے لیے ہر ممکن اقدمات اٹھائے جائیں گے ۔
