کراچی: سندھ سمیت ملک بھر میں محرم الحرام کے لیے فوج تعینات کرنے کی منظوری دے دی گئی۔
محکمہ داخلہ سندھ کی درخواست پر وفاقی وزارت داخلہ نے سندھ میں آرمی رینجرز اور ایف سی کے دستے تعینات کرنے کا حکم دے دیا۔ انسداد دہشت گردی ایکٹ 1997 کے سیکشن 4 اور 5 کے تحت ملک کے دیگر حصوں کی طرح سندھ میں بھی فوج تعینات کی جائے گی۔
وفاقی وزارت داخلہ کی جانب سے جاری حکم نامے کے مطابق سول انتظامیہ کی مدد کے لیے فوج کو تعینات کیا جا رہا ہے۔ فوج کی تعیناتی زمینی حالات کی بنیاد پر ہوگی۔ تقرری کا اختیار صوبوں کو ہوگا۔ محکمہ داخلہ سندھ نے عسکری حکام سے رابطہ کرکے محرم میں فوج کی تعیناتی کا روڈ میپ تیار کرلیا۔ متعلقہ فریقین کی باہمی مشاورت سے ضرورت کے مطابق فوجی دستے تعینات کیے جائیں گے۔
0
Happy
0
Sad
0
Annoyed
0
Surprised
0
infected
