منڈی بہاوالدین (مظہر اقبال گوندل) تھانہ سٹی: نوجوان تشدد سے قتل، مظاہرین کا لاش چیمہ چوک میں رکھ کر احتجاج، مظاہرین کا مقدمہ درج کر کے ملزمان کے خلاف کارروائی کا مطالبہ. پولیس نے مقدمہ درج کر کے کارروائی شروع کردی ہے، ترجمان پولیس منڈی بہاوالدین.
تفصیلات کے مطابق دن 12 بجے ویلکم پٹرولیم کے سامنے رکشہ اور مزدا نمبر LES 9969 والے نامعلوم افراد آپس میں لڑ رہے تھے کہ عمران مسعود اور سید حسن رضا سکنہ کندھانوالہ نے چھڑانے کی کوشش کی. 4 نامعلوم افراد نے راڈ کے وار کر کے سید حسن رضا کی پسلی توڈ دی اور عمران مسعود راڈ سر پر لگنے کی وجہ سے بے ہوش ہو گیا. جو ہسپتال جا کر دم توڈ گیا. واقعہ کی اطلاع پر ایس ایچ او تھانہ سٹی فوری موقعہ ، براے کارروائی ہسپتال پہنچا.
مگر لواحقین کا کہنا تھا کہ ہم کاروائی نہیں کروانا چاہتے ہیں. مرحوم عمران کی طبعی موت ہوئی ہے، اور پوسٹ مارٹم بھی نہ کروانا چاہتے ہیں. اس بارے لواحقین نے اپنا تحریری بیان بھی دیا. مگر بعد میں چند لوگوں نے لواحقین سے مل کر چیمہ چوک پر احتجاج کیا، تھانہ سٹی پولیس پہلے ہی مقدمہ درج کرنا چاہتی تھی مگر لواحقین مقدمہ درج نہ کروانا چاہتے تھے. ترجمان پولیس کے مطابق پولیس تھانہ سٹی نے مقدمہ نمبر 130/21 بجرم 302/34 درج کر کے کارروائی شروع کردی ہے.
