کوئی ایسا شخص جس سے آپ بات نہ کرنا چاہ رہے ہوں اور وہ آپ کو آن لائن دیکھ کر تنگ کرنا شروع کردے تو بے فکر ہوجائیں کیونکہ واٹس ایپ بہت جلد آن لائن ہونے کے اسٹیٹس کو چھپانے کا فیچر پیش کرنے جارہا ہے۔
وابیٹا انفو کے مطابق پہلے واٹس ایپ پر ہر کوئی آپ کا لاسٹ سین والا اسٹیٹس دیکھ سکتا تھا لیکن بعد میں واٹس ایپ نے صارفین کے مطالبے پر اسکو مخفی رکھنے کا فیچرمتعارف کرایا لیکن اس کے باوجود آپ کے آن لائن ہونے کا اسٹیٹس ہر کوئی دیکھ سکتا ہے اور صارفین اسکو بھی مخفی رکھنے پر اصرار کررہے تھے۔
واٹس ایپ کے تازہ بیٹا ورژن پر آپ اپنا آن لائن ہونے کا اسٹیٹس ہر ایک سے چھپا سکیں گے، جس سے ان لوگوں کو سہولت ملے گی جن کے دوست اور فیملی ممبرز انکو آن لائن دیکھتے ہی میسج شروع کردیتے ہیں
اس اسکرین شاٹ کے مطابق نئے فیچر میں آپ اس کا فیصلہ کرسکتے ہیں کہ کون آپ کا آن لائن ہونے کا اسٹیٹس دیکھ سکتا ہے اور اسکے لیے دو آپشن دیے گئے ہیں۔ جس میں پہلا آپشن Everyone کا ہے جس کا انتخاب کرنے کی صورت میں ہر کوئی آپ کے آن لائن ہونے کا اسٹیٹس دیکھ سکے گا۔
یہ بھی پڑھیں: واٹس ایپ پر غلطی سے ڈیلیٹ کیے گئے میسجز تصاویر اور ویڈیوز کو واپس لانے کا طریقہ جانیے
دوسرا آپشن Same as Last Seen کا ہے جس کا انتخاب کرنے کی صورت میں آپ نے لاسٹ سین والے آپشن میں جس کا انتخاب کیا ہوگا وہی آپشن یہاں لاگو ہوجائے گا۔ اوپر دیے گئے اسکرین شاٹس آئی او ایس کیلئے واٹس ایپ بیٹا کی تیاری کے دوران لیے گئے ہیں اور واٹس ایپ یہی فیچر اینڈرائیڈ اور ڈیسک ٹاپ پر متعارف کرانے کی پلاننگ کررہا ہے۔
فی الحال یہ فیچر تیاری کے مراحل میں ہے اور یہ کب تک صارفین کیلئے پیش کیا جائے گا اس بارے میں فی الحال کوئی معلومات دستیاب نہیں
